Ерион Велиај, кој беше разрешен од функцијата градоначалник на Тирана на 25 септември, поднесе жалба против одлуката до Уставниот суд, со што, според албанските медиуми, ги блокира изборите во Албанија.
Во Косово, станува уште еден ден Уставниот суд да донесе одлука за политичкиот ќорсокак во Косово. Овој пат, во врска со изборот на заменик-градоначалници од заедниците.
Во продолжение се поместени содржините од денешниот редакциски избор на ЦивилМедиа, од албанските медиуми во регионот.
АЛБАНИЈА
Опинион: Велиај ја оспорува одлуката за неговото разрешување пред Уставниот суд
Ерион Велиај, кој беше разрешен од функцијата градоначалник на Тирана на 25 септември, поднесе жалба против одлуката до Уставниот суд.
Според Велиај, член 62 не може да го замени член 115 од Уставот, туку се толкува во согласност со него. Тој тврди дека разрешувањето без докажани сериозни прекршувања е незаконско и неуставно.
Според Велиај, секое разрешување без докажани сериозни прекршувања е незаконско и спротивно на уставните принципи, објави Опинион.
Ора њуз – Диела на Конгресот за нанотехнологија: Да ја направиме иднината по правична и поодржлива
Во Тирана денеска се одржа Меѓународниот конгрес за нанотехнологија простор за дијалог и нови можности, каде што беше присутен и премиерот Еди Рама.
Диела, виртуелната министерка, исто така одржа „говор“, велејќи дека иако не е човечко суштество, улогата што ја има е човечка.
Диела порача дека иднината не доаѓа, туку се гради. И поради оваа причина, мора да се изгради помудра и поправедна иднина.
„Иако не сум човечко суштество, мојата улога е човечка. Да ја зајакнам љубопитноста, да го забрзам откривањето и да отворам нови хоризонти на можности.
Нанотехнологијата е доказ дека најголемите револуции можат да бидат скриени во најмалите димензии. Исто како што атомите го регулираат универзумот, така и вашето истражување ќе регулира нови иднини, во медицината, енергијата, материјалите и во самиот живот. Вештачката интелигенција и нанотехнологијата не се паралелни патеки, туку се сили што се спојуваат.
Едната ни дава можност да гледаме и дизајнираме во некогаш невидливи димензии, другата ни дава моќ да градиме, да лекуваме во некогаш неопипливи димензии, изјави дигиталната министерка Диела, пренесе Ора њуз.
КОСОВО
Газета 10: Уште еден ден до одлуката на Уставниот суд
Останува уште еден ден Уставниот суд да донесе одлука за политичкиот ќорсокак во Косово. Овој пат, во врска со изборот на заменик-градоначалници од заедниците, пишува Газета 10.
Уставниот суд донесе привремена мерка до 30 септември, следниот ден.
Досега, одлуката не е објавена јавно.
Додека Ветевендосје го прогласува Собранието за конституирано, опозицијата, од друга страна, упати обвинувања за кршење на уставот.
Случајот беше упатен до Судот од страна на Српска листа.
Претседателката Османи изјави дека по заклучувањето на мерката, таа ќе продолжи со постапките.
ТВ 21: Осудениот за воени злосторства во Косово, Небојша Павковиќ, ослободен од затвор
Српскиот генерал Небојша Павковиќ, осуден за воени злосторства против Албанците во Косово, е ослободен од затвор во Финска и заминал за Србија, објави на 28 септември српскиот премиер Ѓуро Мацут.
Павковиќ, поранешен командант на Третата југословенска армија, беше осуден на 22 години затвор со правосилна пресуда за злосторства против косовските Албанци во 1999 година.
Неговото ослободување од затвор претходно го најави српскиот претседател Александар Вучиќ, објави ТВ 21.
КОЛУМНА
Коха: „Удар врз Русија на отворената сцена на светската политика“
„Радослав Сикорски е познат по својот суров, честопати недипломатски јазик. Ова го чинеше и во минатото: не беше избран ниту за висок претставник на ЕУ за надворешна политика, ниту за генерален секретар на НАТО, иако неговото име често се споменуваше како кандидат.
Со неговото појавување во Советот за безбедност на ОН минатата недела, полскиот министер за надворешни работи повторно привлече големо внимание – и меѓу безбедносните експерти и на социјалните медиуми, каде што делови од неговиот говор станаа вирални. Највисокото тело на светската организација се состана на барање на Естонија за да разговара за руските провокации со беспилотни летала и борбени авиони во воздушниот простор на НАТО.
Сикорски ги гледа инцидентите во Естонија и Полска како ескалација на хибридната војна што Русија ја води против Западот со години. Ова вклучува, вели тој, атентати на политичари, новинари, активисти за човекови права и бегалци, како и палежи – меѓу другите во Полска, Велика Британија и Литванија – како и кампањи за шпионажа и дезинформации“, пишува косовскиот Автор Енвер Робели, во колумната „Удар врз Русија на отворената сцена на светската политика“, објавена во косовскиот дневник Коха.
Подготви: Д. Тахири
