ЦИВИЛ – Центар за слобода, како коосновач на Глобалната иницијатива за одбрана на демократијата (Defending Democracy Global Initiative – DDGI), e дел од јавниот настан „Одбрана на демократијата и човековите права – Од препораки кон акција“, што започна во 19:00 по средноевропско време, во Рим.
Настанот може да се следи во живо на Фејсбук страницата и Јутуб каналот на ЦИВИЛ и ќе трае до 20:30 часот.
Програмата вклучува промоција на книгата „Одбрана на демократијата и човековите права– со извештаи и препораки за политики, која потоа ќе биде проследена со дискусија.
Промотор на книгата е Џабир Дерала, претседател на ЦИВИЛ –Центар за слобода, а наодите и препораките од книгата се производ од меѓународната конференција „Одбрана на демократијата и човековите права во време на војна и авторитаризам“, која се одржа во Скопје на 11 и 12 декември 2024 година.
Настанот е дел од Глобалната иницијатива за одбрана на демократијата , ко-основана од Новиот европски граѓански народен форум (NEPF), Медија дијалог и ЦИВИЛ– Центар за слобода, а поддржана од Europa Now!.
На настанот ќе се зборува за практични чекори за борба против дезинформациите, зајакнување на демократските институции и одбрана на човековите права.
Глобалната иницијатива за одбрана на демократијата ги здружува пратениците, граѓанското општество и претставниците на медиумите низ цела Европа промоција на демократската отпорност и соработка. Се фокусира на три главни столба: застапување и креирање политики, независна медиумска продукција, вклучувајќи го и подкастот „Eyes on Democracy“ ( Поглед кон демократијата), и нејзината водечка програма, Вестминстерската алијанса за Украина.
