Во рамките на пошироката дипломатска кампања на претседателот на Украина, Володимир Зеленски, во март 2026 година, со која тој ги повикува западните сојузници да не го намалуваат притисокот врз Москва, тој изјави дека заедничката санкциска политика на различни земји директно ги намали капацитетите на рускиот агресор.
„Заедничката санкциска политика на различни земји директно ги намали капацитетите на Руската Федерација. Русите ги заобиколуваа санкциите, и сето тоа го видовме, но на еден или друг начин, нивните приходи беа помали, и соодветно, помалку средства одеа во одбранбениот сектор. Буџетскиот дефицит на Руската Федерација растеше од година во година, достигнувајќи врв на почетокот на 2026 година“, изјави претседателот Зеленски деновиве.
Во денешната објава на социјалните мрежи, амбасадорката на Украина во Северна Македонија, Лариса Дир, предупреди дека олабавувањето на санкциите против енергетскиот сектор на рф не ја намалува интензивноста на борбените дејствија ниту во Украина, ниту во Иран.
„Олабавувањето на санкциите против енергетскиот сектор на рф не ја намалува интензивноста на борбените дејствија ниту во Украина, ниту во Иран. Притисокот треба да се одржува. Украина има свои далекуметни средства за одговор. Без тоа, рф нема да има стимул да ја запре војната“, напиша амбасадорката Дир.
Олабавувањето на санкциите против енергетскиот сектор на рф не ја намалува интензивноста на борбените дејствија ниту во Украина, ниту во Иран. Притисокот треба да се одржува. Украина има свои далекуметни средства за одговор. Без тоа, рф нема да има стимул да ја запре војната. pic.twitter.com/LtenegJQmB
— Larysa Dir (@dir_larysa) March 27, 2026
Инаку, според податоците што ги презентираше Зеленски деновиве, буџетскиот дефицит на Русија за 2026 година е проектиран на околу 100 милијарди долари. Ова е резултат на долготрајните санкции кои ја исцрпија руската економија, особено по четири години војна. Зеленски го користи овој аргумент за да покаже дека руската „воена машинерија“ е под огромен финансиски притисок и дека санкциите навистина функционираат.
И покрај дефицитот, Зеленски предупреди дека Русија успеала да заработи околу 10 милијарди долари само во првите две недели од март 2026 година, благодарение на привремените дозволи (лиценци) за продажба на нафта што се наоѓаше на танкери. Неговата порака е јасна: секое олеснување на санкциите директно го финансира производството на нови ракети и дронови за агресорот.
Зеленски истакна дека покрај економските санкции, „директните удари“ врз руската нафтена и одбранбена индустрија (со украинско вооружување) се клучни. Тој смета дека економската изолација и воениот притисок мора да одат рака под рака за Русија да не може да ги покрие своите долгови.
Јавноста во земјата е под силен пропаганден оган. Оттаму, од исклучителна важност е е јавноста да биде информирана за реалната економска состојба на агресорот и да се оправда потребата од континуирана поддршка и од помалите европски држави како Северна Македонија.
Џ. Дерала
