Во тек е изборниот молк, кој започна на полноќ, синоќа. Денеска ќе гласаат 1.882 лица во казнено-поправните установи и притворите, 9 внатрешно раселени лица и болните и немоќните.
Граѓанките и граѓаните ќе гласаат во 80 општини и градот Скопје, на 3.480 избирачки места. Според Избирачкиот список, право на глас имаат 1.814.644 лица. За позиции во локалната власт се натпреваруваат 19 партии и коалиции и 64 независни кандидатки и кандидати.
ЦИВИЛ – Центар за слобода веќе распореди 191 акредитиран набљудувач низ цела Македонија, а очекува информации и прилози и од граѓанските новинарки и новинари, како и пријави од сите граѓанки и граѓани.
