„СДСМ ја гази демократијата и го деградира владеењето на правото. Република Македонија станува држава во која законите се само мртво слово на хартија. Трет месец неосновано се држат во притвор десетици граѓани како дел од политички монтиран случај“, соопштуваат од ВМРО-ДПМНЕ
Партијата ја обвинува власта дека затвора недолжни луѓе кои имаат спротивни политички убедувања од премиерот Зоран Заев.
„Притворените се соочуваат со кршење на нивните права во скоро сите фази во постапката. Притворот е користен како средство за тортура врз политички неподобните. Притворот е замена за политички посакуваната казна“, стои во соопштението на партијата.
„Кршењето на слободата и правата на притворените и сомнеж за владеењето на правото во Република Македонија под власта на СДСМ поради политичките прогони изрази и Комесарот за човекови права на Советот на Европа, институцијата која ја донесе Европската конвенција за човекови права. Укажување кое беше занемарено од страна на власта.
Кршењата на правата и непочитувањето на постапката беше нотирано и од Народниот правобранител. Факт кој исто така беше игнориран од страна на властите и МВР, кое се јави како прекршител на правата на уапсените.
Дополнително осомничените се држени подолг период во притвор без притоа да биде преземено било какво дејствие во постапката против нив. Тоа јасно укажува на неоснованоста на истрагите и безидејноста на ОЈО кое очигледно само извршува нечии наредби.
Судот кому му се сервираат сите овие конструкции мора да се издигне над моменталната ситуација на хаос и тортура од страна на властите и да работи исклучиво по Устав и закон.
Судот може да го запре овој прогон и да ги ослободи од притвор неосновано притворените граѓани. Судот мора да покаже дека има сила да ги спроведува законите. Во рацете на судот останува одбраната на демократијата. Мудрите и законски чекори на правосудството ќе придонесат Македонија да го задржи својот од кон ЕУ и НАТО. Институции чии единствени постулати се темелени на правото и демократијата“, пишуваат од Центарот за комуникации на ВМРО-ДПМНЕ.
