Косовската влада побара од Советот на Европа, предлогот за укинување на визите за имателите на српски пасоши во Косово, да ги третира овие документи како незаконски, како што ја третира и останатата паралелна документација. Косовскиот премиер Албин Курти пред два дена изјави дека во Рашка се случила средба помеѓу Милан Радоичиќ и Српска листа, а ова го демантираше претседателот на партијата, Златан Елек.
Ова се само дел од темите од редакцискиот избор на ЦИВИЛ Медиа, од албанските медиуми во регионот, за денешното издание на АЛ-Прес. Во продолжение се темите од денешниот редакциски избор.
КОСОВО
Радио Косова е Лире: Владата на Косово не се согласува со предлогот на Европската комисија за укинување на визите за имателите на српски пасоши
Владата на Косово изрази загриженост од предлогот на Европската комисија за укинување на визите за имателите на српски пасоши, кои престојуваат на територијата на Косово. Вицепремиерот Бесник Бислими изјави дека за овој предлог на Советот на Европа за пасошите издадени од таканаречената српска координативна дирекција не е разговарано со Владата на Косово. Владата на Косово ја поканува ЕУ да ги третира овие документи како незаконски како што ја третира и останатата паралелна документација. Предлогот на ЕК беше аргументиран со фактот дека визната либерализација ќе почне да се применува од 1 јануари 2023 година, пренесува Радио Косова е Лире.
Телеграфи: Српските невладини организации го поддржуваат укинувањето на визите за косовските граѓани со српски пасоши
Петнаесет граѓански организации на српската заедница во Косово се спротивставија на повиците на граѓанското општество на Косово, Европската комисија да го повлече предлогот со кој се бара на граѓаните на Косово кои имаат пасоши на Србија да им бидат одземени визите, пренесе Телеграфи.
Бота Сот: Курти укажа на средба помеѓу Радоичиќ и Српска листа во Рашка, Елек демантира
Во неделата косовскиот премиер Албин Курти укажа на средба во Рашка која пред неколку дена се одржала меѓу Милан Радоичиќ и некои српски политичари, меѓу кои и пратеници и функционери на Српската листа.
Курти рече дека таму се одвива реорганизација на терористичката група на Радоичиќ со поддршка на Србија. Претседателот на Српската листа, Златан Елек, демантираше дека имало таква средба.
„Целосно ја демантирам оваа работа. Не разбирам каква врска има Милан Радоичиќ со Српската листа“, изјави Елек, објави Бота Сот.
АЛБАНИЈА
Леѕо: Сали Бериша го прогласи СПАК за криминална организација: Тие се најопасната банда во Албанија
„Ако има човек во Албанија, кој стотици пати изјавил дека СКАП е криминална организација, тој е Сали Бериша.
Вака им порача Сали Бериша на новинарите на прес-конференцијата, подвлекувајќи и мислејќи на себе дека „тоа го прави тоа три години по ред и е прв кој СПАК го нарече СКАП“, пренесе Леѕо.
Балкан Веб: Хаос во албанското Собрание, мнозинството бара казнени мерки за пратениците од опозицијата, се собираат потписи за нивно изземање
Социјалистите ги собраа потписите за исклучување на пратениците од опозицијата кои беа вмешани во хаосот на последната пленарна седница. Барањето е доставено до Претседателството на Собранието, додека точниот број на пратеници за кои се бара изземање се уште не е познат.
Потсетуваме, во понеделникот Собранието беше во хаос, каде пратениците од опозицијата го реализираа својот план за прекин на седницата, објави Балкан Веб.
КОЛУМНА
Бота Сот: Крај или почеток на крајот на изгорените соништа и илузии на српска Југославија?
Косово и Албанците, сега речиси две (2) децении се наоѓаат во „салата“ или чекалната (коридорот), да се приклучат на таканаречениот „заеднички состав“ на ЕУ, пишува косовскиот автор Агрон Шабани.
Косово нема да се приклучи во ЕУ, без да и се даде или да и се простат многу работи (бланко) на Србија, на тој начин што Србија да има удел, лиценца и монопол во познатите имоти, средства, вредности и ресурси на Косово и Албанците, пишува Шабани во колумната „Крај или почеток на крајот на изгорените соништа и илузии на српска Југославија?“, објавена во косовскиот дневник Бота Сот.
Подготви: Д. Тахири
