За да се спречат руските војници систематски да напаѓаат живеалишта во украинските градови со ракети,покрај авиони и оружје со долг дострел,на Украина исто така ѝ е потребно државите да ги зајакнуваат санкциите за спречување на Русија да добива критични делови за ракети, полупроводници, интегрални кола,чипови, напиша украинската амбасадорка во земјава, Лариса Дир на Твитер.
За да се спречат🇷🇺војници систематски да напаѓаат живеалишта во 🇺🇦 градови со ракети,покрај авиони и оружје со долг дострел,на🇺🇦исто така ѝ е потребно државите да ги зајакнуваат санкциите за спречување на🇷🇺да добива критични делови за ракети,полупроводници,интегрални кола,чипови.
— Larysa Dir (@dir_larysa) August 1, 2023
Освен живеалиштата во градовите, на удар на руските напади се и голем број на објекти од културното наследство на Украина.
„Од 26 јули 2023 година, УНЕСКО потврди штета на 274 локалитети од 24 февруари 2022 година – 117 верски објекти, 27 музеи, 98 објекти од историски и/или уметнички интерес, 19 споменици, 12 библиотеки, 1 архива“, стои во соопштението на веб-страницата на УНЕСКО.
Украинскиот претседател Володимир Зеленски во интервју за Глобо изјави дека светската помош за Украина би била доволна доколку војната заврши, но дотогаш секогаш нешто ќе недостасува, јави дописникот на Укринформ.
„Дали е доволна помошта од светот за Украина? Ќе ви го кажам ова: ако војната беше завршена, ќе беше доволно. Се додека трае војната, ништо не може да биде доволно. Тоа значи дека нешто недостасува. Помошта е не само оружје, тоа е и информативна поддршка и хуманитарна помош“, рече шефот на државата.
„Многу е важно Украина да победи. Важно е светот да разбере и да почувствува дека не помага само. Важно е населението на Украина да преживее, а Украина да ги брани глобалните и европските вредности“, нагласи Зеленски.
Подготви: Драган Мишев