Рускиот терор против цивилите во Украина не престанува ни во најстудените зимски денови. Делови од Кијив и низа други градови низ целата земја се во мрак и студ, поради секојдневните воздушни напади на рускиот агресор врз цивилни цели и енергетска инфраструктура. Како и првите денови на целосната воена агресија, така и четири години подоцна, рускиот агресор ја компензира неспособноста на фронтот со брутални напади врз цивилите.
„Оваа зима рф води војна против Украина со студ и темнина, целно ја напаѓа енергетиката за да го скрши отпорот на Украина. Меѓународната поддршка за заштита на енергетскиот систем е од клучно значење. Токму затоа е потребен Енергетски „Рамштајн“ — брзи одлуки и континуирани испораки на ПВО“, напиша амбасадорката на Украина, Лариса Дир, на социјалните мрежи, споделувајќи ја и изјавата на претседателот Зеленски.
Џ. Д.
