Дерала, ЦИВИЛ: Тажен и трагичен е настанот во кој гледаме едно брутално убиство што го извршува припадник на полицијата. Меѓутоа тука има и други моменти што јавноста мора да ги земе предвид. Стандардите со кои се одбираат полициските службеници во изминатиот период беа многу изместени, а критериумите во најголем број случаи беа партиска книшка и послушност кон владејачката партија односно партии, ВМРО и ДУИ.
Тоа што ние во овој период го гледаме како најалармантно е што тие стандарди и процедури не се преиспитани и некои одлуки за вработување како во полицијата, така и во администрацијата на локално и на централно ниво. Се разбира, не се ставени под знак прашалник и не се преиспитани сите тие одлуки.
Сметам дека овој трагичен настан би требало да биде повод повеќе да се размисли за едно такво преиспитување и за додавање на листата на реформи кои што треба да се случат во полицијата и во Министерството за внатрешни работи и едноставно да се зајакнат процедурите, да се зајакнат стандардите за прием на полициски службеници. Од друга страна гледано, мора да се земе предвид дека полициските службеници се и човечки битија што имаат свои приватни животи, а во нив, за жал, и огнено оружје. И тоа во некој момент може да биде злоупотребено.
Мора да се зајакнат процедурите за употреба на службеното оружје во институциите каде што е инволвирано оружјето. Се разбира, и во доменот на цивилното поседување на оружјето за кое многу често сме зборувале и во минатото, контролата мора да се зајакне. Ова е трагичен настан кој не замислува сите и ги ужаснува граѓанките и граѓаните. Но, сепак, треба да оставиме на институциите ова да го решат на начин кој е брз, ефикасен и законски.
Се разбира, не помагаат ни најмалку соопштенија од една од најнеодговорните политички партии во Македонија кои своите недостатоци, односно последици од ужасното владеење ги припишуваат на оваа власт, а од друга страна оваа власт не може да се амнестира од одговорност заради бавноста на реформите.
Обработка на текст: Биљана Јордановска
Камера: Дехран Муратов
Монтажа: Владо Крстевски
Видео-став на ЦИВИЛ е содржина што се објавува секојдневно и се однесува на актуелните општествени состојби.
Услови за користење, авторски права и заштита на приватноста
Преземање на содржините под различни услови од наведените НЕ Е ДОЗВОЛЕНО, освен со писмена дозвола од ЦИВИЛ. Повредата на авторските права е забранета со закон.