Украинскиот претседател Володимир Зеленски ќе и ја додели на македонската министерка за одбрана Славјанка Петровска државната награда на Украина – „Орден на принцезата Олга“, објави украинската амбасадорка Лариса Дир на платформата Х.
Министерката ќе биде одликувана со оваа награда за личниот придонес за поддршката на државниот суверенитет и територијалниот интегритет на Украина.
Претседателот на🇺🇦@ZelenskyyUa на Министерката за одбрана на🇲🇰@SlavjankaPetrov ѝ ја додели државната награда на🇺🇦Орден на принцезата Олга,I ст.
Беше забележан личниот придонес за поддршката на државниот суверенитет и територијалниот интегритет на🇺🇦
Ви благодариме за силната помош pic.twitter.com/gy5B72GfMW— Larysa Dir (@dir_larysa) September 25, 2023
Дир и заблагодари на Петровска за силната помош.
Претходно, ЦИВИЛ соопшти дека Зеленски, со Указот број 556/2023, го одликува Џабир Дерала со орден за заслуги, со кој, исто така, се одликувани и генералниот секретар на НАТО, Јенс Столтенберг, како и светски познатите актери, Ален Делон и Кетрин Денев.
Г. Т.
