Лицата со оштетен вид членови на Центарот за поддршка што функционира во рамки на Црвениот крст на Град Скопје денеска ќе добијат звучни апарти за мерење шеќер во крвта и крвен притисок.
Апаратите се донација на Државна лотарија на Македонија, а се доделува во рамки на „Проектот на УСАИД и Лајонс Клуб Меѓународната Фондација за децата со пречки во видот“.
– Здравствената превенција е една од основните активности на Црвениот крст и е од голема важност за нашите корисници/лица со оштетен вид. Донацијата ни е од исклучителна важност за Центарот и за лицата со оштетен вид и истата подразбира унапредување на услугите кои ги нуди центарот и олеснување на секојдневното живеење на оваа ранлива категорија на население, велат од Црвениот крст на Град Скопје.
Центарот за поддршка на лица со оштетен вид е во функција на лицата со оштетен вид и нивните родители кои на дневна основа имаат можност да партиципираат на едукативни работилници, активности за психо-социјална поддршка, здравствена превенција и унапредување на информираноста за нивните права како предуслов за севкупно унапредување на животните вешитини и нивното понатамошно вработување.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
