Русија беше изожена на голем ноќен напад со беспилотни летала на 12 септември, а Москва и Ленинградската област беа меѓу целните области, пренесува Кијив Индипендент според руските официјални лица и извештаите на медиумите.
Руската воздушна одбрана пресретна 221 украински беспилотни летала низ целата земја преку ноќ, тврди руското Министерство за одбрана утрото по нападот.
Нападот наводно предизвикал пожари на брод во пристаништето Приморск и во објектот на Лукоил во Смоленск. Жителите на Ленинградската област рекоа дека нападот бил еден од најмасовните напади врз регионот од почетокот на целосната војна во 2022 година.
„Кијив Индепендент“ не можеше да ги потврди овие извештаи во времето на објавувањето.
Околу 30 беспилотни летала беа соборени над Ленинградската област, изјави регионалниот гувернер Александар Дрозденко.
Остатоци од дронови се урнаа на одделни локации во Тосно, град на 53 километри југозападно од Санкт Петербург, но не предизвикаа жртви или штети, тврди тој. Фрагменти и остатоци исто така слетаа во други села во регионот, вклучувајќи ги Всеволожск, Покровское и Узмино.
Порано во текот на ноќта, Дрозденко рече дека воздушната одбрана била на работа над областа Пушкински во Санкт Петербург.
Нападот предизвикал пожар на брод во пристаништето Приморск, објави Дрозденко. Тој тврдел дека пожарот е изгаснат и дека нема закана од поплави или излевање на нафта.
Дрозденко подоцна објави дека нападот предизвикал пожар на пумпна станица во Приморск. Тој рече дека бил изгаснат без жртви.
Приморското пристаниште е најголемото руско пристаниште за товарење нафта на Балтичкото Море.
Заканата од беспилотни летала во регионот го принуди аеродромот Пулково во Санкт Петербург да се затвори – сè почеста постапка поради интензивираните украински напади со беспилотни летала. Речиси 50 летови се прекинати или откажани поради затворањето.
Жителите на Санкт Петербург и Ленинградската област продолжуваат да пријавуваат експлозии, според рускиот независен новински канал Астра.
Дронови, исто така, ја таргетирале руската престолнина. Градоначалникот Сергеј Собјанин изјави дека најмалку девет украински дронови се соборени во близина на Москва.
Собјанин изјави на Телеграм дека екипите за итни случаи се упатиле кон местото каде што паднале остатоците од дронот. Градоначалникот не даде детали за тоа каде се соборени дроновите, ниту пак даде информации за евентуална штета.
Руските Телеграм канали, повикувајќи се на изјави на жители, објавија експлозии во заедниците Можајск и Дедовск во Московската област, лоцирани веднаш западно од периферијата на главниот град.
Според официјални лица и локални жители, уште еден бран дронови го нападна рускиот град Смоленск. Гувернерот на Смоленската област, Василиј Анохин, изјави дека единиците за воздушна одбрана одбиваат напад со дронови над регионот, но не даде дополнителни информации.
Жителите на Смоленск пријавија експлозии во градот. На снимките објавени на социјалните медиуми, очевидци тврдат дека дроновите го насочиле вниманието кон блискиот објект на Лукоил. Видеото покажува чад и пламен што се издига од голем пожар на неоткриено место.
Анохин не спомена нафтени објекти или какви било можни цели во својот извештај.
Руското Министерство за одбрана тврди дека 85 беспилотни летала биле соборени над Брјанската област, 42 над Смоленската област, 28 над Ленинградската област, 18 над Калушката област, 14 над Новгородската област и девет над Московскиот и Орјолскиот регион.
Беспилотни летала биле соборени и над Белгородската, Ростовската, Тверската, Псковската, Тулската и Курската област, соопшти министерството.
Украинската војска не го коментираше пријавениот напад.
Д. Мишев
