Актуелниот српски амбасадор во САД, Драган Шутановац — поранешен министер за одбрана на Србија — подолго време јавно застапува став дека Србија, според неговите зборови, треба да ја „прифати реалноста“ и да влезе во НАТО и дека тоа би било во сопствен интерес на Србија, во безбедносна и економска смисла. И тој е во право. Фактот дека самиот српски амбасадор го застапува овој став покажува дека ова не е нереална идеја, истакна Едвард П. Џозеф, истакнат експерт за управување со конфликти и предавач на Факултетот за напредни меѓународни студии (SAIS) при Универзитетот „Џонс Хопкинс“, во ексклузивно интервју за ЦИВИЛ Медиа.
Второ, постои широко распространета претпоставка дека српското општество униформно се противи на НАТО. Точно е дека дел од јавноста е против — и дека власта активно го поттикнува анти-НАТО расположение преку постојано повикување на бомбардирањето на Косово во 1999 година. Таа нарација значително ги обликувала јавните ставови.
Но, истовремено, српската влада одржува добри односи со НАТО и многу силна билатерална воена и одбранбена соработка со САД. Тоа не е тајна; тоа е јавно познат факт.
На крај, ќе се повикам и на податоци од јавното мислење. Најновото истражување на Меѓународниот републикански институт (IRI), кое го опфаќа регионот, вклучително и Србија, покажа дека повеќе српски граѓани имаат позитивен став кон НАТО отколку негативен. Доколку се комбинираат оние што го поддржуваат членството во НАТО со оние што сметаат дека Србија треба да ја зголеми комуникацијата со НАТО — дури и без полноправно членство — се добива нето позитивен став од околу 50 проценти.
И сето тоа се случува во медиумска средина каде што претседателот Вучиќ има доминантно влијание врз наративите. Тие наративи би можеле многу брзо да се променат.
М. Д.
ПРОЧИТАЈТЕ И:
