Иран минатата година егзекутирал 582 лица, 75 отсто повеќе отколку во 2021 година.
Според групите за човекови права зголемувањето го одразува обидот на Техеран да внесе страв кај демонстрантите против режимот.
Ова е најголем број егзекуции во Иран од 2015 година, се вели во извештајот објавен во четвртокот од организацијата „Човекови права во Иран“ со седиште во Норвешка, и организацијата „Заедно против смртната казна“ со седиште во Франција“, пренесува телевизијата Си-Ен-Ен.
Во извештајот се вели дека повеќето од погубените – најмалку 544 – биле лица обвинети за убиства и дела поврзани со дрога. Во него се наведува дека речиси 90 отсто од евидентираните егзекуции не биле известени од иранските власти и дека некои од нив биле извршени во тајност.
Двете групи рекоа дека зголемувањето на бројот на егзекуции е начин на Техеран да се обиде да ги заплаши демонстрантите и да го спречи незадоволството, по националните протести предизвикани од смртта на 22-годишната Махса Амини во септември минатата година.
Иранските власти одговорија на протестите со сила, масовни апсења и брзи судења, што предизвика глобална реакција и санкции од САД.
Повеќе од половина од егзекуциите минатата година се вели дека биле извршени по протестите што избија во септември. Околу 44 отсто од осудените на смрт беа обвинети за прекршоци поврзани со дрога, и покрај недостигот на докази за значително зголемување на употребата или трговијата со дрога пријавено од меѓународните агенции, се вели во извештајот.
Двете групи ја повикуваат меѓународната заедница „да ги зголеми напорите за поддршка на барањата на иранскиот народ за почитување на неговите основни права и за укинување на смртната казна“.
Н. А.
