КОХА НЕТ: Албанската Џублета под заштита УНЕСКО
Џублетата, како традиционална албанска облека, стана дел од списокот на светско наследство како духовно или нематеријално наследство.
„На состанокот на Меѓувладиниот комитет за заштита и зачувување на нематеријалното културно наследство на УНЕСКО, што се одржува во Мароко, беше одлучено Џублетата да биде вклучена во Листата на нематеријално културно наследство“, соопшти Министерството за култура на Албанија, објави КОХА НЕТ.
Џублета е традиционална албанска облека, особено застапена во планинските предели.
ЈАВА ЊУЗ: Мечка влезе во Булеварот, што прави државата?!
„Најдоброто во историјата на државата, ќе го направи слетувањето на „авионот“ на Европската унија во Тирана на денот 6, на тој ден овде се состанува Самитот на ЕУ за Западен Балкан. Никогаш до сега не се случило да му дојде „планината“ на децениски изолираниот граѓанин. Ниту пак ќе се повтори, додека навистина не изгрее сонцето од ридовите на Драч.
Сите го знаат тоа, и го доживуваат со стравување. Тој ден корумпираниот, и минер на демократската држава Сали Бериша, се закани дека „нема сила на светот“ што може да го спречи. Со група милитанти ќе се построи надвор од Самитот и ќе си го направи своето.“, пишува Фрок Чупи во колумната „Мечка влезе во Булеварот, што прави државата?!“.
ИНСАЈДЕРИ: Пасошот на Дуа Липа во општеството на спектаклите
„Вчера на социјалните мрежи беа објавени две фотографии една до друга, на едната британската поп ѕвезда со албанско потекло Дуа Липа го добива пасошот на Албанија од премиерот Еди Рама, на другата фотографија неколку млади момчиња во стар автобус со албански пасоши во нивните раце додека оделе на печалба.
Имаше коментатори од Косово кои велеа дека Дуа Липа албанскиот пасош го добива по забрзана постапка, а за тој пасош треба да чекаат со години или да платат готовина.
Имаше коментатори од Албанија кои истакнаа дека тој пасош често завршувал во каналите, некогаш длабоко во каналот Отрант, а денес длабоко во Ла Манш, додека синовите и ќерките на обичните Албанци го продолжуваат егзилот со незапирливо темпо.“, извадок од колумната „Пасошот на Дуа Липа во општеството на спектаклите“ од Арбер Заими.
Д. Тахири
