Европски, американски и британски политичари и експерти упатија писмен повик до ЕУ, САД и Британија за поостар пристап кон Србија во однос на Косово, пишуваат косовските медиуми. Во Албанија, ЕУРОПОЛ отвори истрага за 1000 функционери корисници на контроверзната апликација СКАЈ.
Ова се дел од темите што редакцијата на ЦИВИЛ Медиа ги издвои од албанските медиуми во регионот, за денешното издание на АЛ-ПРЕС.
КОСОВО
Телеграфи: Странски политичари испратија писмо до ЕУ, САД и Британија – бараат поостар пристап кон Србија во однос на Косово
Германски „Тагесшпигел“ излезе со статија во која пишува дека западните политичари повикале на реакција на дестабилизирачките тенденции на Србија, пренесува Телеграфи.
„Обидите на Србија да ги наруши демократските избори во Косово мора јавно да бидат осудени како странско мешање и мора да се преземат конкретни активности за да се бара одговорност од Србија доколку продолжи да ги поткопува слободните и фер избори“, се наведува во писмото на политичките експерти до високиот претставник на ЕУ за За надворешни работи, Џозеп Борел, американскиот државен секретар Ентони Блинкен и британскиот министер за надворешни работи Џејмс Клеверли.
Писмото го потпишаа и претседателот на комисијата за надворешна политика на Бундестагот, Михаел Рот од СПД и американскиот сенатор Боб Менендез, како министрите за надворешна политика на Велика Британија, Чешка, Украина, Ирска, Естонија и Литванија.
Коха: Името на балканскиот пироман е Александар Вучиќ
„Германскиот магазин „Дер Шпигел“ жестоко го критикува српскиот претседател за автократските тенденции во неговата земја и деструктивната улога во Косово, Црна Гора и Босна. Додека Вучиќ го поткопува мирот во регионот, Западот е премногу толерантен. Особено Мирослав Лајчак молчи за пропагандата на Вучиќ, пишува еден магазин од Хамбург.“, пренесува Коха.
Радио Косова е Лире -Едвард Џозеф: Украина е блиску до признавање на независноста на Косово
„Писмо потпишано од претседателите на парламентарните комисии за надворешни работи на Соединетите Американски Држави, Обединетото Кралство и други земји, но на кое се приклучи и Олександр Мережко, претседател на Комисијата за надворешни работи на Украина, земја која сè уште не го признала Косово како држава предизвика реакции. Американскиот професор од универзитетот „Џон Хопкинс“, Едвард Џозеф, смета дека со овој чин на Мережком, дел од партијата на претседателот Зеленски, Украина се приближила до признавање на Косово. Преку објава на Твитер, Џозеф рече дека меѓу имињата потпишани во ова писмо, најважното е од Украина.“, пренесува Радио Косова е Лире.
АЛБАНИЈА
Еуроњуз: Европол истражува 1000 албански службеници како корисници на апликацијата SKY
„Адвокатот Крешник Спахиу во интервју за Еуроњуз Албанија изјави дека околу 30 отсто од корисниците на апликацијата СКАЈ, веќе прогласена за нелегална, се Албанци.
Тој рече дека меѓу корисниците 8000 од нив се Албанци кои престојуваат во Албанија, а за околу 1000 се зборува дека се високи функционери.
Спахиу рече дека Европол формирал специјални истражни групи во Албанија и дека може да имаме апсења на службеници кои ја користеле оваа апликација.“, пренесува Еуроњуз.
РТШ: Албанија и Италија постигнаа договор за признавање на пензиите , со бенефит 500 илјади албански имигранти
„Албанија и Италија постигнаа договор за признавање на пензиите на Албанците кои живеат во Италија. Како резултат на тоа, околу 500 илјади албански имигранти кои живеат и работат во соседната земја ќе имаат корист од признавањето на пензискиот систем меѓу двете земји.
Со овој договор ќе бидат опфатени старосните пензии, осигурувањето за боледување, породилно и осигурување од невработеност.“, пренесе РТШ.
КОЛУМНА
Јава Њуз: Колку повеќе политичари на телевизија, толку повеќе има корупција
Случајот со поранешниот вицепремиер Ахметај и корупцијата што му се „закачува“, покажува дека дел од нашите министри го користат шоуто како средство за да ја покажат разликата во отчетноста пред јавноста. И повеќе од тоа корисноста на мноштвото закони кои се создаваат и создаваат бескрајно за политичарите да најдат заштита, додека јавноста е изгубена во нивната џунгла. Затоа, се случува да се потребни случаи како оној на актерот Фуга, или убиства и тепања како оние на племето на социјалистичкиот пратеник во Круја, за да се откријат синџири на проблеми во нашето општество. „Колку е покорумпирана државата, толку побројни се законите“, напиша Тацит еднаш во „Аналите на римската Империја“, пишува Бен Андони во колумната „Колку повеќе политичари на телевизија, толку повеќе има корупција“, објавена во Јава Њуз.
Д. Тахири
