Од Кабинетот на претседателот Стево Пандаровски реагираат на наводите изнесени од ВМРО-ДПМНЕ за заедничката продажба на објектот на Мисијата на поранешна СФРЈ при ООН во Њујорк, од каде истакнуваат дека шефот на државата е редовно информиран од надлежното министерство за досегашниот тек на процесот.
Во врска со наводите изнесени од страна на политичката партија ВМРО-ДПМНЕ за заедничката продажба на објектот на Мисијата на поранешна СФРЈ при ООН во Њујорк, од председателскиот кабинет соопштуваат дека претседателот Пендаровски е редовно информиран од надлежното министерство за досегашниот тек на процесот. Oд вкупниот износ на средства, 4 милиони американски долари, дел кој ѝ припадна на Република Северна Македонија, 3.4 милиони се префрлени, а останатиот дел од 0.6 милиони се очекува да биде префрлен наскоро.
Согласно договорот, кога ќе биде заокружена целата купопродажна трансакција, сите средства ќе бидат префрлени во нашиот државен буџет. Претседателот Пендаровски очекува дека средствата од заедничката продажба на имотот кои ѝ припаднаа на Северна Македонија да бидат искористени согласно заклучоците на Владата за купување на простории за Постојаната мисија при ООН во Њујорк и за објект за амбасада во Софија, информираат од Вила „Водно“.
Како што предходно објави Цивил Медиа, Министерството за надворешни работи (МНР) реагираше на, како што велат, паушалните и неосновани обвинувања на ВМРО-ДПМНЕ, последни од серијата манипулации создадени во фабриката за лаги на ВМРО-ДПМНЕ чија работа сѐ повеќе се засилува, во врска со тврдењата на Наум Стоилковски, портпаролот на ВМРО-ДПМНЕ за тоа дека наводно амбасадорот Љубомир Фрчкоски и покрај неколкуте инструкции од МНР, не ги префрла парите од продажбата на апартманот на Тито на Парк авенија во Њујорк, и ги држи на сметката од мисијата.
М. Д.
