Пратеникот во Собранието на Република Северна Македонија (коалициски партнер на опозициската партија ВМРО-ДПМНЕ), и претседател на Демократската партија на Србите во Македонија, Иван Стоилковиќ, во контекст на вооружениот инцидент во Косово на 24 септември, објави фотографија на својот Фејсбук-профил со графит кој гласи „Знам јас што ве убива, Косово е Србија“.
Во прилог на фотографијата, Стоиљковиќ напиша: „Слава на Србите од Косово и Метохија кои ги дадоа своите животи во одбрана на своите домови и родната земја од зголеменото угнетување и тиранија од страна на властите на шиптарскиот окупаторски режим. Почивај во мир и ти, албански полицаецу“.
„Угнетувањето на Србите продолжува, насилството ескалира, т.н. меѓународна глуми лудост и е соучесник во нечесните постапки предизвикани од тероризирањето на Србите од страна на Курти. Вечна слава, слава на српскиот народ кој и покрај невидениот терор преживува во српската колевка и не ги остава своите вековни огништа пред дивите ѕверови на Курти и на меѓународните ѕверови. Се чини дека т.н. меѓународна заедница намерно ги заборава минатите пукања врз Србите на Косово и Метохија или се преправа дека е лажна, па дури ни политички не ја санкционира злоупотребата на нашиот народ во Косово и во Босна и Херцеговина. Нека им бидат доволни неодамнешните настани како предупредување дека секој истрел кон КиМ е истрел за мир и не успеаја да ги осудат многуте досегашни престрелки или барем да покажат дека се згрозени. Но, јасно е дека нивната цел е да ги протераат Србите и дека нивната главна приказна е мир без Србите. Притоа забораваат дека ниту една окупација не трае вечно, па нема ниту оваа“, напиша Стоилковиќ.
(ЛИНК до архивираната содржина на објавата од Стоилковиќ.)
Во мај оваа година, Стоиљковиќ учествувал на Безбедносен форум во Русија, каде што учествуваа високи државни и воени претставници на руската федерација и нејзини сојузнички, а Путин имаше видео-обраќање.
Од објавените фотографии од овој настан, може да се забележи дека годинава пратеникот од коалицијата околу ВМРО-ДПМНЕ е на „семејната фотографија“ на која може да се забележат и директорот на српската Безбедносна-информативна агенција, Александар Вулин, кој од неодамна е на американската црна листа, како и претседателот на Република Српска, Милорад Додик, кој е на црната листа од јануари, 2022 година.
Партијата на Стоиљковиќ, како и ВМРО-ДПМНЕ која е водечка партија на коалицијата во која тој се наоѓа, не се оградија од неговиот говор на омраза.
ЦМТ
