Министерот за надворешни работи на Грција Никос Коѕијас го известил грчкиот премиер Алексис Ципрас за последните случувања во разговорите за името. Коѕијас, според грчките медиуми, синоќа ја посетил премиерската палата и на тет-а-тет средба го брифирал Ципрас за контактите и разговорите што ги имал во изминатите денови, во врска со спорот со името.
За средбата, која не беше претходно најавена, јавува дописникот на МИА од Атина, официјално соопштение, но и дополнителни детали нема, ниту од грчкото МНР, ниту од кабинетот на грчкиот премиер.
Како што вчера објави МИА, Алексис Ципрас имаше телефонски разговор со Ангела Меркел, а меѓу другото разговарале и за прашањето за името, но се договориле да се сретнат утре во Брисел на неформалниот состанок на лидерите на ЕУ.
Телефонскиот разговор Ципрас – Меркел беше на само еден ден пред посетата на македонскиот премиер Зоран Заев на Берлин и средбата со германската канцеларка.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.