Специјалниот пратеник на Европската унија во преговорите меѓу Косово и Србија, Мирослав Лајчак денеска престојува во Приштина, на средба со косовскиот премиер Албин Курти.
Нормализацијата на односите со Србија и нашето планирање за следните чекори беа истакнати на мојата средба со премиерот Албин Курти. Утрово во Приштин нашиот состанок го искористивме и за да разговараме за ситуацијата на северот на Косово и енергетиката, напиша Лајчек на Фејсбук.
The normalisation of relations with Serbia and our planning on next steps featured prominently in my meeting with PM @albinkurti this morning in Pristina. We also used our meeting to discuss the situation in the north of Kosovo and energy. pic.twitter.com/6cmEUc6mRd
— Miroslav Lajčák (@MiroslavLajcak) December 6, 2022
Лајчак вчера престојуваше во Белград, каде на средба со претседателот на Србија, Александар Вучиќ разговарше за изнаоѓање решенија во процесот на нормализација на односите со Косово.
– Во Белград разговаравме за патот кон нормализација како продолжение на дебатата за дијалогот (меѓу Белград и Приштина) со претседателот Александар Вучиќ. Разговаравме и за актуелните прашања, како што е враќањето на косовските Срби во институциите, упатството за електричната енергија и исчезнатите лица (од војната во 1998-99 година), напиша Лајчак на неговиот Твитер.
In Belgrade today, I discussed the way forward on normalisation of relations as a follow-up to the last Dialogue meetings with @predsednikrs @avucic. We also spoke about current issues, including return of Kosovo Serbs to Kosovo institutions, Energy Roadmap and missing persons. pic.twitter.com/NlhE9bfOxm
— Miroslav Lajčák (@MiroslavLajcak) December 5, 2022
М. Д.