• Latest
Добро утро со Орданоски

Летаат во авион Тито, Хитлер и Захариева…

December 21, 2020
Фото: Скриншот од видео на ВВС

Бројот на жртви од поплавите во Тексас се искачи на повеќе од 100

July 8, 2025

Извештајот на Вајц денеска на дискусија пред европратениците

July 8, 2025
Фото: ЦУК

Според ЦУК, до седум часот утрово активни седум пожари, еден локализиран и еден под контрола

July 8, 2025
Фото: Скриншот од видео на CNN-News18

„Тие мора да бидат способни да се одбранат“ – Трамп кажа дека САД ќе испратат дополнителни пратки оружје во Украина, критикувајќи го Путин

July 8, 2025

24 ЧАСА: Четрстотини невработени ќе гасат пожари за 400 евра; Велев алармира – недозволиво е 5 лица да одлучуваат за терапијата на 40.000 дијабетичари; Трамп со закана за 10% царини кон поддржувачите на БРИКС

July 7, 2025
Фото: Скриншот од видео на Real News

Рускиот министер за транспорт се самоубил откако Путин го разрешил 

July 7, 2025
Фото: Фејсбук на Азир Алиу

Алиу, еден месец министер за здравство: Граѓаните пријавиле мито, непружање здравствена услуга, игнорирање пациент

July 7, 2025
Украински дронови погодиле руска хемиска фабрика во близина на Москва. Фото: Астра/ Телеграм

Украински дронови погодиле руска хемиска фабрика во близина на Москва, нападната и големата рафинерија во рускиот Краснодарски крај

July 7, 2025
Фото: ЦУК

Прва човечка жртва во пожарот кај „Лепенец“ во Ѓорче Петров

July 7, 2025
Фото: Скриншот од видео на CBS Morning News

ДеСантис брза да отвори центар за притвор на имигранти во мочуриште сред сезона на урагани

July 7, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Летаат во авион Тито, Хитлер и Захариева…

December 21, 2020 07:28
in ДОБРО УТРО СО ОРДАНОСКИ, СЛОБОДНА ЗОНА, ТОП 5
Добро утро со Орданоски

Добро утро со Орданоски

Share on FacebookShare on Twitter

пишува: САШО ОРДАНОСКИ

Таман кога помисливме дека, барем за годинава, Софија малку ќе нè одмори од својот антиталент за толкување на политиката за добрососедство, гледаме дека вревата од дуетот Каракачанов-Захариева во Бугарија по повод нивното фијаско со агендата за ЕУ проширувањето на Балканот, не престанува. Иако сме ние и Албанија директните жртви од анти-европската политика на Бојко Борисов, тие имаат возбудена потреба да се дообјаснуваат, нервозно да се правдаат и понатаму да ги ескалираат навредите упатени до нас. Зошто?

Причините за тоа се релативно едноставни, а двојни: од една страна, очигледно е дека тоа е една од главните националистички теми на Борисов со која настапува за сопствен спас на парламентарните избори во март следната година – Бугарите заклаа еден цел вол, за да добијат пет-шест кила предизборни чварки; од друга страна, ветото им помина со очаен ефект кај нивните европски партнери во Унијата, на крајот доживеаја голема бламажа заради очитаната лекција од страна на Чешка и Словачка, па на домашната бугарска сцена имаат потреба вината да ја префрлат на соседот, покажувајќи „мускули“ и закани типични за инфериорна политика и несигурност за последиците од ветото што нас ќе нè чини многу скапо, ама нив меѓународно ги банкротираше.

Во последните три децении се изнагледавме на Балканот слаби политичари кои својот домашен опстанок го градат преку омаловажување и непријателство кон соседите. Регионот, во меѓувреме, доволно се пацифизираше за да ги надмине безбедносните кризи од таквите ретроградни политики, но потенцијалот на „замрзнатите конфликти“ не смее да се потцени, ако ништо друго заради нарушување на другите, „небезбедносни“ витални политики на Балканот: економската соработка, туризмот, образовната и културна соработка, транспортот и непречениот проток на добра и услуги и сл. Тоа се фактори кои регионот го одржуваат во сферата на нестабилноста и „отвореноста“ кон други, анти-западни иницијативи и мешетарења. Бугарија сега цврсто зачекори на челото на таа неславна колона.

Од ваквото однесување на официјална Софија има и еден друг ефект што директно ја засега македонската политичка сцена: овдешните националисти и шовинисти доживуваат вистинска ренесанса, со реафирмирање на причината за своето постоење. Борисов им ја врати смислата на нивната политичка програма и тоа во најубедливото светло на бугарските архи-непријатели од почетокот на минатиот век. Просто, штета што сме членки на НАТО, оти да не бевме, ќе имаше и многу поборбени повици за пресметка од двете страни на границата. Тие ретко прават нешто работите да се подобрат, но не би ја пропуштиле шансата за обратното.

А како ќе се одвиваат работите понатаму, откога ќе завршат изборите во Бугарија?

Кој и да биде следниот бугарски министер за надворешни работи, „историската карта“, во која се кријат намерите за оспорување на идентитетот на соседот за блокирање на преговорите со Северна Македонија, повеќе не ќе може да се употребува. Софија има можност и понатаму, со какво било објаснување, да го ветира отворањето на преговорите, но после март идната година притисокот врз Бугарија – во европско содејство со Вашингтон – ќе расте за менување на таа погрешна политика.

Тоа значи дека, после низа ух-ах-их воздишки и мрморења, ќе се помине на драфтирање на некаков дипломатски документ што ќе го содржи она што и сега Скопје ѝ го нудеше на Софија (дообјаснување на Договорот за добрососедство, дополнителни гаранции за иди-ми-дојди-ми и сл.), а што Борисов, заради своите сегашни предизборни валкани потреби, го одби. Исходот од тоа дополнително „мрцварење“, после уште една наша година од евро-интегративниот процес фрлена на европското буниште, ќе се прогласи за нов голем успех на балканското добрососедство и соработка. Којзнае, можеби и пред каминот во Белата куќа. За „оверка“ на победата на сите!

Националистите и од двете страни, на крајот, ќе останат да си го цицаат прстот в уста, но користа од нивната штета е веќе направена. И македонската и бугарската јавност отворија нова страница во меѓусебната недоверба. Споредбата помеѓу Тито и Хитлер е, дефинитивно, новиот хајлајт за идните генерации во соседските ругања и навредливи потсмевања.

Ете, така, кај и да е, наскоро ќе почнат да летаат во авион Тито, Хитлер и Захариева… Кога авионот ќе падне и кога сите ќе се појават пред Св. Петар, Захариева ќе мора да му објасни што бара во вицот што ја изнасмеа цела Европска Унија.

 


Сите права се задржани. ЛИНК: Услови за користење, авторски права и заштита на приватноста. Тесктот е личен став на Авторот.

Print Friendly, PDF & Email
Tags: БорисовБугаријаветодобрососедствоЕУЗахариеваКаракачановТитоХитлер
Share33Tweet21Send

НАЈЧИТАНИ 5

  • Фото: ВИ

    24 ЧАСА: „Шлаканица“ од Брисел за Мицкоски, сестринските партии го избришаа македонскиот јазик и идентитет од ЕУ извештајот; Обвинителството го амнестира Максим Димитриевски; Кавказ на работ на нов конфликт

    100 shares
    Share 40 Tweet 25
  • Канта за смет

    94 shares
    Share 38 Tweet 24
  • Таче се (по)јави, вистина се (по)јави

    93 shares
    Share 37 Tweet 23
  • Апсења со смртни последици, рации, претепани и крвави осомничени, соборен патнички авион – како се влошија односите меѓу Русија и Азербејџан

    92 shares
    Share 37 Tweet 23
  • Скопје како зона без контрола: Убиен пешак, нападната пратеничка, автобус во пламен – државата го губи компасот

    92 shares
    Share 37 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ