На 16 април 2026 година, рускиот агресор изврши масовен, повеќечасовен бран на напади со беспилотни летала и ракети низ Украина, при што загинаа најмалку 16 лица, а околу 100 се повредени. Украинските власти го опишаа нападот како најсмртоносен и најобемен воздушен удар во последните две недели, при што главни цели биле цивилни станбени објекти.
Нападите беа насочени кон повеќе градови, меѓу кои Кијив, Одеса, Харкив и Днипро, предизвикувајќи значителни разурнувања на цивилната инфраструктура.
Претседателот на Украина, Володимир Зеленски, изјави:
„Утрото добив извештај од командантот на Воздухопловните сили на Вооружените сили на Украина. Во текот на изминатиот ден, во вечерните часови и во текот на ноќта, беа лансирани речиси 700 руски дронови. Имаше и ракети – 19 балистички, како и крстосувачки ракети во текот на ноќта. Повеќето од балистичките ракети беа насочени кон Кијив. Соборени се 636 дронови и дел од ракетите. За жал, не сите. Имаше погодоци и оштетувања на обични станбени згради. Трагично, има загинати во Одеса, Кијив и Днипро. Меѓу убиените има и едно момче – имало 12 години. Моето сочувство до семејствата и најблиските. Во моментов, пријавени се 100 повредени како резултат на овој еден масовен руски напад.“
И покрај високата ефикасност на украинската противвоздушна одбрана, дел од ракетите и дроновите сепак ја погодија целта, оставајќи зад себе жртви и разурнати домови.
Амбасадорката на Украина, Лариса Дир, реагираше со силна порака:
„1513. рф изврши два брана масирани напади врз Украина со ракети од копнено и воздушно базирање и со ударни беспилотни летала. Има жртви во Кијив, Одеса, Харкив, Днипро..Варварите од рф гаѓаат станбени згради. Потребни се средства за противвоздушна одбрана и Специјалниот трибунал.“
1513. рф изврши два брана масирани напади врз Украина со ракети од копнено и воздушно базирање и со ударни беспилотни летала. Има жртви во Кијив, Одеса, Харкив, Днипро..Варварите од рф гаѓаат станбени згради. Потребни се средства за противвоздушна одбрана и Специјалниот трибунал. pic.twitter.com/R8kEnIrTdh
— Larysa Dir (@dir_larysa) April 16, 2026
Овој напад е меѓу најинтензивните во последниот период и претставува уште една ескалација на руската воена кампања, со јасен фокус врз цивилното население.
Украинските власти повторно апелираат до меѓународната заедница за итна поддршка, особено во системите за противвоздушна одбрана, како и за воспоставување Специјален трибунал за гонење на злосторството на агресија.
Нападите врз цивилни цели, вклучително и станбени згради, претставуваат сериозно кршење на меѓународното хуманитарно право и дополнително ја нагласуваат бруталноста на руската агресија врз Украина.
Џ. Д.
