коментира: Дехран Муратов
Лек за корона вирусот сигурно ќе се најде, но за идиотизмот, глупоста, просталукот, малограѓанството, несолидарноста, за говорот на омраза, расизмот… лек тешко дека ќе се најде.
Среде Скопје да навредиш група на граѓани кои ти заличија на Кинези само затоа што на ТВ, интернет, Фејсбук виде дека некаде во Кина досега стотици се починати, а илјадници заразени од смртоносната болест, и наместо да има жал и сочувство, ти да ги навредиш и опсуеш, навистина треба да си опериран од чувства.
Браво лавчино! И да беа навистина заразени од корона вирусот, сигурно откако убаво ги опсу, тебе немаше да те зарази, веројатно и вирусот ќе избегаше од тебе!
За глупоста на нашиот сограѓанин се извинија техничкиот премиер Оливер Спасовски, градоначалникот на Град Скопје, Петре Шилегов, а државниот секретар во Министерството за надворешни работи Зоран Попов денеска ги прими и упати извинување до претставниците на невладина организација од Јужна Кореjа кои вчера беа изложени на вербален акт на нетрпеливост и ксенофобија во центарот на Скопје.
Лекот за таквото простачко однесување е брзо и најстрого санкционирање, за да се спречи да не се размножува, бидејќи таквото размножување раѓа грдо потомство.
БЛИЦ е рубрика на ЦИВИЛ МЕДИА во која објавуваме кратки, најчесто редакциски, коментари поврзани со веста на денот во рубриките ДНЕВНИК и ПОЛИТИЧКИ ОКЕЈ КОРАЛ, но и за други актуелни настани во земјата и во светот.
Сите права се задржани. Услови за користење, авторски права и заштита на приватноста.
