Активистката за човекови права, Сара Миленковска се огласи со објава на Фејсбук во кој го критикува настанот организиран од UN Women за родова еднаквост, за кој вели дека според одговорите од панелот, формално ништо не е проблем, но, според неа, апсурд на настанот бил нешто друго.
Додека антиродовите актери организирано ги напаѓаат сите механизми за родова еднаквост, додека МОН систематски ги брише и последните траги од родова еднаквост и заштита од образовните политики, додека полицијата не постапува по нови случаи на родово базирано насилство, а јавниот простор е преплавен со мажи кои објаснуваат како жените се повторно виновни за сопственото насилство и со квази психолози кои јавно дисецираат „животни избори“ на жртви на фемицид UN Women организира настан за родова еднаквост и евроинтеграции.
Отидов на настанот од една многу проста причина ме интересираше до кој степен може да оди институционалната перверзија во која родовата еднаквост се користи како тема за панели и проекти, додека истата таа родова еднаквост во реалноста се брише од закони, политики и институции.
И тамам мислиш дека барем тука ќе се отвори прашањето за тоа како е можно да зборуваме за имплементација на Истанбулската конвенција и европски стандарди, додека и ЕУ извештаи и домашните организации со години предупредуваат дека антиродовите актери веќе имаат сериозно влијание врз институциите и дека систематски се демонтираат механизмите за заштита одговорот што го добиваш е дека „сè е во рамките на правните процедури“.
Во превод: формално ништо не е проблем.
Тоа е истата логика по која владата може истовремено да брише политики за родова еднаквост, а потоа да аплицира за нови ЕУ и ОН проекти за родова еднаквост. Но вистинскиот апсурд на настанот беше нешто друго.
Пс. Нека се гонат сите фашист(к)и, порача Сара Миленковска на Фејсбук.
Истовремено, Миленковска го споделува Фејсбук статусот на активистот Славчо Димитров кој ја критикува организацијата и изборот на панелистите на настанот на UN Women Skopje .
