ВЕСТ НА ДЕНОТ: Поддршка на здравствениот сектор, економска стабилност и забрзан раст со буџетот за 2021
Со Предлог Буџетот за 2021 година се планира раст на економијата во државава од 4,1 процент, буџетски приходи во износ од 212,6 милијарди денари и расходи од 247,5 милијарди денари, буџетски дефицит од 4,9 проценти од БДП, како и капитални инвестиции во износ од 23 милијарди денари, соопшти денеска на прес-конференција премиерот Зоран Заев.
Буџетот за 2021 година што го усвои Владата и ќе биде проследен до Собранието, како што рече Заев, е за економска стабилност и забрзан раст со долгорочна фискална консолидација.
ИЗЈАВА НА ДЕНОТ: Шахпаска: Нулта толеранција за насилство врз жените и семејното насилство е наш главен приоритет
ЦИВИЛНИ АКТИВНОСТИ
Царовска: Кога истакнуваме различности, да ги истакнуваме како позитивни вредности
Актуелната министерка за образование и наука, Мила Царовска, може да се пофали со богато портфолио како во политиката, таа и во граѓанскиот сектор. Од граѓанска активистка до најуспешна министерка во првиот состав на Владата предводена од Зоран Заев, во тоа време во Министерството за труд и социјални политики, до предводник на нова иднина на образованието во нашата држава.
https://www.youtube.com/watch?v=5XKdPZAu5ZM&feature=emb_logo
Потпалувачкиот пост на Апасиев поттикнува желби за „второ полувреме од 27 април“
ФЛЕШ ВЕСТИ
Музички уметници ја поддржуваа кампањата „НосамМаска“. Влатко Стефановски, Никола Перевски, Каролина Гочева, Тамара Тодевска и Ружица Милошеска Брчиоска преку видео порака порачуваат дека носењето маска значи наскоро отварање на концертни сали, дружење со фановите, но и лична грижа, и одговорност за здравјето на другите, соопштува Министерството за здравство.
Градоначалникот на општина Куманово, Максим Димитриевски, соопшти дека средствата што биле наменети за одржување на празничниот концерт, по повод Денот на ослободување на Куманово – 11 Ноември, огнометот и новогодишното украсување на градот ќе бидат наменети за обезбедување и набавка на таблети и друга електронска опрема, која ќе се користи за онлајн настава за учeниците.
Исклучоци за мерката за забрана на групирање на повеќе од четири лица на јавен простор.
Министерството за животна средина информира дека вчера на владина седница била усвоена Предлог-измената на Законот за прекршоци со која се предвидуваат до 20 пати поголеми казни за загадување на животната средина.
ДКСК „преплавена“ со постапки од граѓани кои бараат спас за разни судски постапки, работи спорови, денационалнизации, огаси за вработување, со еден збор за нефункциниорањето на другите институции во државата.
Пратеничката група на СДСМ вчера во процедура го достави Предлог-законот за изменување и дополнување на Законот за работни односи кој предвидува задолжително пензионирање на 64 години возраст и 15 години пензиски стаж.
Помалку непочитувања на здравствените протоколи забележале инспекциските служби во текот на минатата недела, што според претседателката на Инспекцискиот совет Магдалена Филиповска-Грашкоска, најверојатно се должи на зголемените ингеренции на испекторите.
СЛОБОДНА ЗОНА
„Читајќи ја изјавата на Каракачанов по вчерашниот регионален состанок на Берлинскиот процес во Софија, баш слатко се изнасмеав! Тој во изјавата по средбите, меѓу другото, вели: „Од тука натаму сè е во рацете на колегите во Скопје. Макар и неколку денови до крајот на процесот, до петок, брзо да коригираат сè што пропуштиле во моментот. И да видиме дали тоа е доволно да почнат преговори со Северна Македонија.“, пишува Сашо Орданоски во колумната „Пусти Каракачанов, ме изнасмеа!“.
„Конечно, после неколкудневна медиумска експонираност заврши американското реално шоу за избор на претседател. Не баш налик на она од пред десетина години кога претприемачот Доналд Трамп го бараше својот најблизок соработник, но со доволно внимание за да влезе во аналите на медиумското известување. Генерално сите досегашни избори по завршувањето на студената војна предизвикуваат големо внимание во јавноста, како во САД, така и во останатиот свет. Но поради зголемениот опсег на информирање денес од страна на мас медиумите, изборот на 46-от претседател на САД исфрли во етер до сега рекорден број на информации поврзани со целата кампања“, пишува Гордан Стошевиќ во „Бизарноста на американската изборна кампања и падот на претставничката демократија“.
А. П.
