УТРИНСКИ КОЛУМНИ
Сите ламентирања и сеирења околу одлуката на Заев за поднесувањето оставки се веќе добро познати и не вреди наново да се анализираат. И тоа – оставките по загубени, макар и локални, избори – го вбројуваат Заев во ретката сорта македонски политичари, од сега па до „крајот на историјата“. Како што ќе поминуваат годините, ќе се заборават сите актуелни контроверзии, малограѓански ситења, меѓупартиски злоби и општ говор на омраза, а местото на Заев, во една објективизирана, од потребната временска дистанца оценета историска улога, склон сум да мислам дека ќе добие само на поголем квалитет, а не обратно. Што и да мислите за него, човекот, де факто, „своерачно“ ја подигна „летвичката“ барем на дискусијата за лидерството многу повисоко од депресивниот просек на овдешната политика., читајте во новата колумна на Сашо Орданоски „Кој ќе го наследи Заев во СДСМ?“
Прашањето не е повеќе што се случува во, туку со општеството. Предлогот „во“ се менува во „со“ зависно од пропорциите на состојбата. Кога на поединци или групи ќе им се случи нешто, се вели дека тоа нешто се случува во општеството. Но кога голем дел од тоа општество ќе го опфати некоја состојба, тогаш нешто се случува со општеството. (Мораше ли да се објаснува ова? Со оглед на состојбите, изгледа дека – да.), читајте во РАФАЛ „ Дали човештвото е уморно од себе?“, од Џабир Дерала.
На западна страна не гледам некакво помрачување на месечината. Малку како таму да ја менува бојата кон потемно и една линија како да ја дели западната страна. Уф, бре проклета диоптрија! Не можам да видам колкав дел е тоа од месечината, но ми изгледа дека е скоро една третина. Добро не се потпирајте на моите математички познавања, има затоа личности кои сѐ можат да пресметаат математички прецизно. Делбите им ги оставам ним, пишува Војо Стојановски во колумната „Помрачување“.
ЦИВИЛ со осуда на секој облик на креирање и ширење дезинформации и омраза по било која основа и на било кој начин
ЦИВИЛ, како организација за човекови права и слободи, која во континуитет спроведува мониторинг на општествените и политичките процеси, како и на дезинформациите и говорот на омразата. Организацијата остро го осудува секој облик на креирање и ширење дезинформации и омраза по било која основа и на било кој начин.
ЦИВИЛ ги повикува сите граѓанки и граѓани да пријавуваат дезинформации и говор на омразата преку онлајн Граѓанска пријава, како и во директна комуникација со организацијата.
ВАЖНИ НАЈАВИ И АКТИВНОСТИ НА ЦИВИЛ
МОНИТОРИНГ на www.civilmedia.mk за да се информираат навремено за сите активности во кои има простор за нивно учество.
ПРОДУКЦИЈА Тимот на ЦИВИЛ и Редакцијата ЦИВИЛ МЕДИА ќе имаат голем број средби и интервјуа со кандидатките и кандидатите на локалните избори.
АНГАЖМАН ЦИВИЛ е отворен за соработка и за ангажирање на новинар(к)и и асистент(к)и на проекти – до крајот на декември. Потребно е да се испрати биографија и мотивациско писмо на [email protected].
НАСТАНИ
РАСПРАВА: Собраниската Комисија за финансирање и буџет денеска треба да ја продолжи расправата по Предлог-буџетот на Република Северна Македонија за 2022 година.
Расправата почна на 15 ноември, а може да трае најмногу десет дена. Потоа Предлогот преминува на собраниска седница која може да трае најмногу пет дена.
Се очекува Буџетот да биде донесен не подоцна од петти декември годинава.
Според Предлог-буџетот, вкупните расходи се планирани на ниво од 272,4 милијарди денари или 32 проценти од БДП, а приходите на 238,9 милијарди денари или 30,9 проценти од БДП. Вкупните приходи се за 7,4 проценти повисоки од 2021 година, а кај расходите има зголемување за 1,4 проценти во споредба со расходите во 2021 година, но тие се пониски како процент од БДП споредено со 2021 година.
СОРАБОТКА : Стопанската комора на Македонија – Турција (MATTO) денеска ќе биде домаќин на Стопанската комора на Косово – Турција (КТТО) и на Здружението на стопанственици и занаетчии „ЕСНАФ“ од Косово.
Во рамки на бизнис настанот, чија цел е придонес за развој на социо-економските односи меѓу Турција, Северна Македонија и Косово, ќе бидат презентирани економските показатели и можности за инвестирање во Република Северна Македонија и Република Косово, но ќе бидат дискутирани и можностите за поголема меѓусебна соработка во повеќе сектори, како и за зголемување на обемот на трговска размена меѓу двете земји.
Настанот ќе биде заокружен со потпишување протокол за соработка меѓу MATTO, КТТО и „ЕСНАФ“.
Дел од најавите во овој текст се од сервисот на МИА.
Д. Мишев