Во Основниот суд во Куманово се очекува денес да се одржи рочиште за случајот на четири годишниот Алмир Алиу.
Претходното рочиште беше одложено поради отсуство на еден од адвокатите. Според извори од Алсат М и денешното рочиште ќе се одржи без усогласени ставовите меѓу Вишото и Републичкото обвинителство кои остануваат поделени околу обвинението.
Обвинителите Албанци се противат на предлогот на Кривичниот совет во Куманово случајот да се преквалификува од „убиство“ во „сообраќајна несреќа со смртна последица“. Но, предлогот да се преквалификува предметот го поддржаа обвинителите Македонци, што доведе до поделба по етничка линија. На седницата на колеџот на Вишото обвинителство, а потоа и на Републичкото, четири обвинители Албанци беа надгласани од шест обвинители Македонци, на чија страна беше и новиот главен обвинител. Информациите за можна преквалификација на случајот на Алмир предизвикаа реакции во јавноста. Пред Јавното обвинителство имаше протест на кои граѓани оставаа бели цвеќиња, слики на Алмир и плакати со разни натписи кои бараат да не се преквалификува случајот. Демонстрантите бараа случајот да остане со обвинение за убиство.
Трагичниот настан се случи во јуни 2016 по банална расправија пред болницата во Куманово меѓу семејството на жртвата и осомничениот, кој според сведоците, заминувајќи со неговиот автомобил, смртно го удри четири годишниот, Алмир Алиу.
Д.Т.
