Протестно писмо за смртта на Навални во сандачето на руската амбасада во Скопје

Протестно писто во сандачето на руската амбасада и цвет оставен на влезот на објектот. Така денеска, во Скопје, симболично, преставници на граѓанската организација Цивил, носејќи маици на кои пишува „Јас сум Навални“, го изразија револтот по смртта на рускиот опозиционер за време на отслужувањето на затворската казна. Писмото, прочитано на македонски, албански и англиски јазик, беше и повик до граѓаните на Русија:

„Одговорноста за смртта на затвореник е кај државата. Итно ги повикуваме руските институции да дозволат независна истрага за причините за смртта на Алексеј Навални во затворската колонија во Сибир. Се приклучуваме на повиците за ослободување на сите политички затвореници во Русија. Да се стави крај на полициската бруталност и репресија птоив граѓаните. Запрете ја геноцидната војна против Украина, прекинете ја хибридната војна против демократскиот свет, изведете го Путин пред меѓународната правда за да се соочи со судот за неговите злосторства“, изјави Џабир Дерала од „Цивил“.

Вообичаено, руската амбасада реши да одмолчи на овој повик и да не реагира на писмото во нејзиното сандаче.