Во средата, руското Министерство за одбрана за прв пат објави бројка на загинати руски војници во конфликтот. Иако бројките на загинати за време на војувања се мошне неверодостојни – а според Украина бројот на руски жртви се движи во илјадници – 498те загинати кои Москва ги призна во седумте дена од војување, претставува најголема бројка во било која од нејзините операции од војната во Чеченија, што го означи почетокот на мандатот на претседателот Владимир В. Путин во 1999 година, пишува Њу Јорк Тајмс.
Руси, кои долго време избегнуваа да се впуштат во политика, сега сфаќаат дека нивната земја се бори со опасен конфликт, иако Кремљ станува сė поагресивен во обидот да го обликува наративот. Нејзината бавна репресија на слободите стана виор на репресеија во последно време, како што последните остатоци од слободниот печат се соочија со изумирање.
Оваа недела, законодавците предложија затворска казна од 15 години за лица кои ќе постираат „лаги“ во врска со војната и се шират гласини за граници-кои-наскоро-ќе-бидат-затворени или воена состојба. Министерот за образование закажа видео лекција што треба да се прикаже во училишта ширум земјата во четврток, што ќе ја опишува војната против Украина како „ослободителна мисија“.
А во Москва, регионалната канцеларија на Комитетот на мајки на војници на Русија испраќа по 2,000 повици на ден од минатиот четврток.
Украина се залага за објавување на фактот дека голем број млади руски војници умираат или се заробуваат – реалност што руската војска не ја признаваше до неделата, четвртиот ден од војната.
Многу семејства на војници се во мрак. На 23 февруари, Разил Маликов, возач на тенк во руската армија, се јавил на своето семејство и кажал дека наскоро се враќа дома, воените вежби на неговата единица во Крим биле при крај.
Следното утро, Русија ја нападна Украина и оттогаш никој нема чуено од г-дин Маликов. Во понеделникот, Украина објави видео од заробен војник во неговата единица, кој се извинува за тоа што земал учество во инвазијата.
„Тој воопшто не претпоставуваше дека можат да го испратат во Украина“, рече братот на г-дин Маликов, Рашид Алаберганов, во телефонско интервју од јужноцентралната руска област Башкортостан. „Сите се во состојба на шок“.
