Актуленоста на ширење руска пропаганда на Западен Балкан со различен интензитет се одразвува на земјите во регионот и нивните внатрешни и надворешни политики во однос на руската агресија врз Украина.
Енвер Робели, уредник на швајцарскиот весник Tages Anzeiger зборува за пет лекции за тоа како да се бориме против руската пропаганда, следејќи го примерот на Финска, независно од националните или етничките обележја, иако акцентот на изјавата е ставен на Албанците на Балканот.
ПРВА ЛЕКЦИЈА: Секое општество треба да научи од Финска, особено албанското општество.
ВТОРА ЛЕКЦИЈА: Во Финска образовниот систем игра клучна улога. Училишните наставни програми беа адаптирани во 2016 година со цел да се зголеми медиумската компетентност. Учениците уште од мали нозе учат како да разликуваат лажни вести, манипулации, лаги, пропаганда.
ТРЕТА ЛЕКЦИЈА: Финска има Национална агенција за итни случаи (The National Emergency Supply Agency), која се фокусира на темата за лажни вести. Владата соработува со приватни претпријатија за да го зајакне отпорот на општеството против заканите и да ги подготви луѓето против несакани упади.
ЧЕТВРТА ЛЕКЦИЈА: Многу граѓански организации во Финска се ангажираат во развојот и спроведувањето на програми против лажни вести. Во овие програми учествуваат училишта, библиотеки, министерства, универзитети.
ПЕТТА ЛЕКЦИЈА: Во Финска постои наставна програма за критичко размислување. Целта на оваа наставна програма е да се анализираат изворите и да се проверат фактите, како и да се анализираат техниките на манипулација. Во најдобар случај, образованието во областа на медиумската компетентност започнува кога децата одат во градинка. Анкетите и студиите покажуваат дека жителите во Финска имаат највисока медиумска компетентност. Очекувано и воопшто не изненадува: на дното на листата се балканските земји.