Рускиот агресор изврши напад со наведувана бомба од типот ФАБ-500 врз деветкатната станбена зграда во градот Харкив, втор по големина во Украина. Наведуваните воздушни бомби се моќно оружје што Русија сè почесто го користи врз цивилни цели во Украина.
„Трагично, има жртви, вклучително и деца, а повеќе луѓе сè уште се заробени под урнатините“, напиша претседателот на Украина, Зеленски, во објава на X.
Russia struck a nine-story building in Kharkiv with a guided aerial bomb.
Tragically, there are casualties, including children, and more people may still be trapped under the rubble. All necessary emergency services are on site.
Partners see what happens every day. In these… pic.twitter.com/iVLJ6x5K4R
— Volodymyr Zelenskyy / Володимир Зеленський (@ZelenskyyUa) October 30, 2024
Ова е трет напад на Харкив оваа недела. Најмалку уште четири лица беа убиени во претходните два напади врз центарот на градот и областа Основјански, во кои беа користени наведувани воздушни бомби и проектили.
„Партнерите гледаат што се случува секој ден. Во овие околности, секоја одложена одлука од нивна страна значи десетици, па дури и стотици повеќе руски бомби употребени против Украина. Нивните одлуки се животите на нашиот народ. Затоа мораме заедно да ја запреме Русија – и да го сториме тоа со сета можна сила“, напиша Зеленски во објавата на Х.
Украинската амбасадорка Лариса Дир, која секојдневно ја известува јавноста за главните настани во нејзината земја, на социјалните мрежи сподели информација, како и фотографии и видео од најновиот злосторнички напад на руските агресори.
Ден 981. Загина дете и најмалку 35 лица беа повредени во Харкив. Ноќниот напад на непријателот уништи влез на висококатница. #RussiaIsATerroristState #StopRussianAggression – напиша амбасадорката Дир.
Ден 981. Загина дете и најмалку 35 лица беа повредени во Харкив. Ноќниот напад на 🇷🇺 непријателот уништи влез на висококатница.#RussiaIsATerroristState#StopRussianAggression pic.twitter.com/f5mOcve3mf
— Larysa Dir (@dir_larysa) October 31, 2024
На Украина ѝ е итно потребна дозвола од западните партнери да користи ракетни системи со долг дострел, за да ја спречи заканата што доаѓа од руско тло. Веќе подолго време, претседателот Зеленски ја истакнува потребата од британските крстосувачки ракети со долг дострел Storm Shadow или американските ATACMS за да ја елиминираат заканата што доаѓа од воени постројки подлабоко во руската територија. На тој начин, ќе се намали капацитетот на Москва да напаѓа цивили и цивилни објекти, како и енергетска инфраструктура.
САД, Велика Британија и другите западни земји сè уште одбиваат да ја дадат таа дозвола, под наивниот изговор дека тоа ќе доведе до ескалација на конфликтот.
Подготви: Џ. Д.
