САД синоќа претставија програма за решавање на проблемите со националната безбедност поврзани со вештачката интелигенција, која доаѓа година дека откако претседателот Џо Бајден потпиша указ за регулирање на оваа технологија.
Меморандумот за национална безбедност (НСМ) е насочен кон постигање баланс меѓу спречувањето на воени примени на вештачката интелигенција од страна на противници како Кина и создавањето ефективни безбедносни мерки кои ќе ја одржуваат довербата на јавноста во оваа технологија, изјавија официјални лица.
-Постојат многу јасни национални сфери за примена на вештачката интелигенција, вклучувајќи области како сајбер-безбедноста и контраразузнавањето, изјави висок претставник на администрацијата на Бајден.
-Земји како Кина гледаат вакви можности за модернизација и револуција на нивните воени и разузнавачки капацитети. Особено е важно да го забрзаме користењето на напредните капацитети на вештачката интелигенција во нашите национални безбедносни структури за да задржиме конкурентна предност.
Во октомври минатата година Бајден му наложи на Националниот совет за безбедност и на шефот на кабинетот на Белата куќа да го изработат овој меморандум.
Инструкцијата беше дадена истовремено со потпишувањето на указот за регулирање на вештачката интелигенција, според кој САД треба да ги „предводат“ глобалните напори за управување со ризиците поврзани со оваа технологија.
Указот, кој Белата куќа го нарече „значајна пресвртница“, бара од федералните агенции да постават нови безбедносни стандарди за системите за вештачка интелигенција и ги обврзува разработувачите да споделуваат со владата на САД резултати од безбедносните тестови и други важни информации.
Американските официјални лица очекуваат дека брзото развивање на технологијата за вештачка интелигенција ќе предизвика воено и разузнавачко ривалство помеѓу светските сили.
Американските агенции за безбедност имаат пристап до „најмоќните системи на вештачка интелигенција“, што вклучува значителни напори за набавка, изјави друг претставник од администрацијата.
-Веруваме дека треба да бидеме чекор пред нашите противници и да ги намалиме заканите поврзани со користењето на вештачката интелигенција од страна на противниците..
Според него, целта на НСМ е да осигура дека владата „го забрзува воведувањето на вештачката интелигенција на паметен и одговорен начин“.
Покрај меморандумот, владата планира да издаде рамковен документ кој ќе даде насоки за тоа „како агенциите можат и не можат да ја користат вештачката интелигенција,“ изјави изворот.
Во јули, повеќе од десетина граѓански организации, како што е Центарот за демократија и технологии, испратија отворено писмо до претставници на администрацијата на Бајден, вклучувајќи го советникот за национална безбедност Џејк Саливан, барајќи во NSM да бидат вклучени сигурни безбедносни мерки.
-И покрај ветувањата за транспарентност, малку се знае за тоа каква вештачка интелигенција се користи во најголемите разузнавачки, внатрешни и правни институции во земјата, како што се Министерството за внатрешна безбедност, ФБИ, Агенцијата за национална безбедност и Централната разузнавачка агенција, се вели во писмото.
-Нејзината примена во контекст на националната безбедност, исто така, носи ризик од засилување на расни, етнички или верски предрасуди и влошување на нарушувањата на приватноста, граѓанските права и слободите.
Саливан сионќа одржи говор за меморандумот во Националниот универзитет за одбрана во Вашингтон.
Поголемиот дел од меморандумот е не-класифициран и ќе биде објавен, но ќе содржи и таен додаток кој е главно посветен на заканите од страна на противниците на САД.
