• Latest
Фотомонтажа: Д. Мишев / ЦивилМедиа

Скопје – Пекинг виа Будимпешта

July 29, 2024

Владата со препораки за заштита од топлотниот бран: Ослободување од работa бремени жени и лица постари од 60 години

July 4, 2025
Фотографија: Исечок од видео од првите сведоци на геноцидот во Сребреница / Радио телевизија на БиХ

Потресни сведоштва од Сребреница: Објавени снимки од првите сведоци на геноцидот

July 4, 2025
Фото: Скриншот од видео на Oneindia News

Трамп очекува одлука од Хамас за 24 часа дали ќе го прифати „конечниот“ мировен предлог

July 4, 2025
Фото: Украинската амбасадорка Лариса Дир/ Х

Амбасадорката Дир: Украина мора да биде обезбедена со противвоздушна одбрана, да се убеди со зборови ракетата не е можно – може само да се собори

July 4, 2025

Молдавија се залага за гаранции за влез во ЕУ, под заканата од Орбан за блокирање на Украина

July 4, 2025
Фото: Фронтлајн.мк

Забрчанец: Имавме серија потврди за македонскиот идентитет од 2017 до 2024 – дали иницијативите на Мицкоски се осмислени за да не успеат?

July 4, 2025
Гробовите на Сребреница

Канадската покраина Алберта го прогласи 11 јули за Ден на жртвите на геноцидот во Сребреница

July 4, 2025
Фото: НоваТВ

Зголемување од 2,3 проценти на запишани студенти во 2024/2025 во однос на претходната академска година

July 4, 2025
Фото: Скриншот од видео на PBS NewsHour

Конзервативното мнозинство во Врховниот суд на САД во сите случаи пресуди против трансродовите лица

July 4, 2025
Чад се издига над Московската област, Русија на 4 јули 2025 година. Фото: ASTRA/Telegram

Украинските дронови погодиле повеќе цели во Русија, вклучително и клучна фабрика за воена оптика во Ростовскиот регион

July 4, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА

Скопје – Пекинг виа Будимпешта

July 29, 2024 10:10
in АНАЛИЗИ, ЕКОНОМИЈА, ПОЛИТИКА, СЛОБОДНА ЗОНА, ТОП 5
Фотомонтажа: Д. Мишев / ЦивилМедиа

Фотомонтажа: Д. Мишев / ЦивилМедиа

Share on FacebookShare on Twitter

ДРАГАН МИШЕВ

Доколку некој се посомнева во анализата на ЦИВИЛ Медиа дека потеклото на едната милијарда евра, со која беше најавено дека ќе се задолжи нашата земја од друга држава, ќе бидат кинески пари, особено откако премиерот Мицкоски, обзнани дека заемот, но не во висина од најавената милијарда евра, туку двојно помал, го договорил со нему блискиот премиер на Унгарија, набргу на виделина излезе информацијата што ќе ја потврди анализата на ЦИВИЛ Медиа, а која Орбан долго ја криеше и од самите Унгарци, а таа е дека Унгарија земала заем од Кина во висина од токму (звук на фанфари) милијарда евра.

Значи, дилот на двајцава премиери да ти бил, онака, народски кажано – „пола пије, пола Шарцу даје“

Да се потсетиме што всушност објави ЦИВИЛ Медиа во анализата „Копирајќи го Вучиќ, дали Мицкоски ја врти Македонија кон Кина“.

Тогашниот мандатар, а сегашен премиер на Северна Македонија, при гостувањето во емисијата „Само интервју“ на Канал 5, најави дека, веднаш по формирањето на новата влада, државата ќе се задолжи една милијарда евра, заем од друга држава, и тоа не од меѓународни финансиски институции, туку на ниво на соработка влада со влада.

Новинарот не (се осмели да) го праша ниту за која влада се работи, ниту кога и од која позиција го договарал задолжувањето, што јасно ја покажува идната сервилна поставеност на оваа телевизија, кон работата на идната Влада, пример кој е за очекување дека ќе го следат и другите телевизии со национална концесија, веќе видено во некои не толку далечни времиња, за кои се надевавме дека ги оставивме зад нас.

Сепак, може да се насети дека, најверојатно се работи за кинески кредити. Според познавачите, во моментов Кина е можеби единствената земја која може да си дозволи издвојување на толкава сума пари за директно кредитирање во странство.

Мицкоски нагласи дека станува збор за кредит од друга држава под многу поволни околности.

„Можам да најавам еден финансиски пакет, соработка влада со влада, во вредност од една милијарда евра со исклучително поволни услови, со добар грејс период, со исклучително атрактивна каматна стапка“, рече Мицкоски, потврдувајќи дека станува збор за кредит од друга држава, но не откри други детали.

Ова претставува опасност од воспоставување на финансиско ропство на државата. Имено, на ваков начин Кина ги колонизира сиромашните африкански земји, а во една таква финансиско-должничка спирала се фати и една соседна држава, чиј претседател се чини дека претставува рол-модел за владеење на идниот македонски премиер, по што може уште отсега да се насети во кој правец ќе се движи државата под водство на премиерот во најава.

Од друга страна, искуството од минатото со кинеските кредити (инвестиции) во земјава не побудува позитивни емоции, земајќи го предвид активностите на предходната владејачка гарнитура на ВМРО-ДПМНЕ во таа насока, подложно на коруптивни дејствија по принципот „5 посто од жутите, да не се претерме“, како и подготвеноста на Кина за давање мито секогаш кога треба да ги спроведе своите интереси во деловите од светот опфатени во нејзината сфера на влијание.

Со една милијарда заем, тој не потсетува на уште една епизода од периодот на владеење на претходната владејачка номенклатура на ВМРО – ДПМНЕ, кога во соработка со тогашниот коелиционен партнер „Демократска алтернатива“, во Македонија ќе „лебдат“ (според изјавата на Ѕинго постариот) една милијарда евра тајвански пари, нешто што ќе ги поттикне несреќните настани кои ќе следат во Македонија, откако Кина поради ова ќе стави вето на мисијата на ОН во земјава, по што следеше воениот конфликт 2001 година.

Дополнително, ваквата најава, која доаѓа веднаш по убедливата победа на ВМРО-ДПМНЕ на парламентарните и претседателските избори, е во спротивност токму на еден од клучните аргументи на ВМРО-ДПМНЕ на жестоките напади врз владата за спроведување на лошите економски политики и презадолжувањето на државата.

И како (или зошто) Мицкоски ги заборава одобрените 6 милијарди евра помош од Советот на ЕУ за државите од Западен Балкан за поддршка на нивниот пат кон членство во ЕУ, од кои на Северна Македонија и се одобрени вкупно 850 милиони евра, а Европската комисија веќе обезбеди позајмици во износ од 50 милиони евра, како дел од првата транша од тековната операција за макрофинансиска помош за земјата, односно за авансот во висина од 7 проценти од алокацијата на средствата одобрени за нашата држава. Помош која, ни крив ни должен, ќе му слета во „чекмеџето“ токму во период кога тој (најверојатно) ќе биде на чело на Владата. Но, има едно но! За да ја добие треба да ги спроведе реформските процеси во земјата кои ги започна предходната влада.

За тоа какви се досега придобивките на Србија од соработката со Кина, може да се прочита во објавата на ЦИВИЛ Медиа – додека кинеските инвестиции го преплавија истокот на Србија, но и покажаа дека Пекинг не се грижи за правата на работниците и заштитата на животната средина, Србија го зголеми должничкото „ропство“ од 300 милиони на 3,7 милијарди евра. Во исто време, профитираат само кинеските компании, додека цената на „челичното пријателство“ на двата народа ќе ја плати само еден – оној што пие вода од Сава и Дунав, а не од реката Јангце.

А сега следува временска прогноза: Црни облаци се надвиснаа над Македонија. Невремето кое ја зафати земјата ноќта на 8 мај, со себе носи нестабилност, поројни дождови и грмотевици, силен ветер и појава на град.


Текстот е личен став на Авторот.
Print Friendly, PDF & Email
Tags: Виктор ОрбанВМРО - ДПМНЕздолжувањеКинаУнгаријаХристијан Мицкоски
Share33Tweet21Send

НАЈЧИТАНИ 5

  • Костадинов до Латас: Кога ќе ја чепнеш честа на мојот мртов татко, правдата не се моли. Се зема.

    109 shares
    Share 44 Tweet 27
  • 24 ЧАСА: „Шлаканица“ од Брисел за Мицкоски, сестринските партии го избришаа македонскиот јазик и идентитет од ЕУ извештајот; Обвинителството го амнестира Максим Димитриевски; Кавказ на работ на нов конфликт

    99 shares
    Share 40 Tweet 25
  • Едногодишен помен

    99 shares
    Share 40 Tweet 25
  • Таче се (по)јави, вистина се (по)јави

    92 shares
    Share 37 Tweet 23
  • Апсења со смртни последици, рации, претепани и крвави осомничени, соборен патнички авион – како се влошија односите меѓу Русија и Азербејџан

    92 shares
    Share 37 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ