Претставници на политчки партии, на Државната изборна комисија, граѓанското општество, како и медиумите, преку публикацијата „Слободни медиуми: Научени лекции“, денеска (15 февруари 2018) имаа можност да се запознаат се наодите и анализите од изборниот мониторинг на ЦИВИЛ на Локалните избори, што претстои во периодот пред редовните претседателски избори во 2019 и како ќе се решава составот на ДИК ,и што е со апанажата, со оглед дека поранешните членови на ДИК веќе поднеле барање.
На почетокот пред присутните се обрати Заменикот амбасадор на Сојузна Република Германија, Марко Акватичи. Тој го изрази задоволството од германската амбасада и посочи дека успешноста на проектот „Слободни избори за слободни граѓан(к)и“ придонесе за јакнење на јавната свест за гласачки права и промена во перцепцијата во различни аспекти на изборните процеси.
Марко Акватичи, Заменикот амбасадор на Сојузна Република Германија
Џабир Дерала, претседател на ЦИВИЛ -Центар за слобода, ги презентираше наодите, извештаите и анализите што се објавени во публикацијата, давајќи дополнителни информации и за она што не е поместено во финалниот извештај, но може како ресурс да се најде на медиумските платформи на ЦИВИЛ civilmedia.mk, civil.today.mk, drejt.mk, како и на органицискиот сајт civil.org.mk.
Џабир Дерала, ЦИВИЛ
Дерала ги упати препораките до ДИК, надлежните институции и пошироката јавност за промените што се потребни во Изборниот законик, Избирачкиот список и реформи на изборниот систем, како и во составот на ДИК, обврската за почитување на изборниот молк за сите страни, кампања за информирање на јавноста за случаите на поткуп, конечно да престане злоупотребата на децата во изборна кампања и едукација на гласачите.
Присутните гости беа заинтересирани и за финансирањето на политичките партии и изборниот процес, како и за санкциите и казните за непочитување на Изборниот законик.
Публикација „Слободни избори: Научени лекции“ ќе биде достапна и онлајн на македонски, албански и англиски јазик.
Б. Јордановска
