Од февруари оваа година, кога започна руската агресија врз Украина, па досега се потврдени серија ненадејни смртни случаи на руски воени лица и олигарси, кои се случиле под засега сомнителни околности.
Поранешниот врховен командант на руските копнени сили, генерал Алексеј Маслов, ненадејно почина во Москва. Маслов, кој беше и главен воен претставник на Русија во НАТО, почина на Божиќ на 69-годишна возраст.
Компанијата „Уралвагонзавод“, каде што работеше по воената кариера денеска ја објави неговата смрт. Маслов се повлече од воената служба во 2011 година, пишува Гардијан. Тој е роден на 23 септември 1953 година во областа Курск.
Former Commander-in-Chief of the Russian Ground Forces Alexei Maslov died
He was 69 years old. The death was reported by the Uralvagonzavod concern, where Maslov worked for the last few years as a special representative for military-technical cooperation. pic.twitter.com/HaQH85hJuM
— NEXTA (@nexta_tv) December 25, 2022
Директорот на големото руско бродоградилиште специјализирано за воени подморници вчера ненадејно починал, пренесува Си Ен Ен. Санктпетербуршкото бродоградилиште соопшти дека починал директорот Александар Бузаков, но не соопшти никакви детали.
Бузаков помина 11 години на функцијата директор на бродоградилиштето и е заслужен за одржување и зголемување на бројот на нарачки за модерни ненуклеарни подморници, површински бродови и потопни пловни објекти способни да нуркаат до големи длабочини.
Руската режимска агенција ТАСС објави дека бродоградилиштето изградило голем број подобрени подморници од класата Кило на дизел погон, способни да лансираат крстосувачки ракети од типот Калибар.
Руски олигарх почина под мистериозни околности, а медиумите јавија дека го загубил животот наводно откако паднал по скали на 9 декември во градот Антиб на француската ривиера. Педесетгодишниот Дмитриј Зеленов бил на вечера со некои пријатели кога почнал да се чувствува лошо. Потоа, тој наводно паднал по скали и се здобил со смртоносни повреди на главата, објави руската новинска куќа „База“ и локалниот француски весник „Вар Матин“.
Веднаш бил пренесен в болница, но лекарите не можеле да го спасат, а неговата смрт ја потврдил јавниот обвинител во блиската општина Грас следниот ден. Според каналот „Телеграм“ на База, Зеленов неколку недели пред смртта бил опериран поради проблеми со срцето, иако не биле објавени дополнителни информации.
Зеленов беше ко-основач на Don-Stroy, некогаш една од најважните московски империи за инвестиции и развој на недвижности, која ја основал во 1994 година. Тој редовно се појавуваше на листата на Форбс на најбогати Руси до 2008 година, кога Don-Stroy претрпе значителни финансиски загуби поради финансиската криза.
Околностите за смртта на тајкунот со недвижности се неверојатно слични со оние на Анатолиј Герашченко, поранешниот шеф на Московскиот авијациски институт, кој почина во септември откако наводно паднал по скали во седиштето на институтот во Москва.
Многу сомнителната смрт на Герашченко се случи помалку од две недели откако првиот човек на Владимир Путин за развој на руските арктички ресурси, Иван Печорин, „падна во морето“ додека пловел по брегот на Тихиот Океан. Двајцата беа последните во долгата низа високи функционери од рускиот енергетски, технолошки и финансиски сектор поврзани со Кремљ кои починаа под сомнителни околности во последниве месеци.
Russian businessman Ivan Pechorin, the top manager for the Corporation for the Development of the Far East and the Arctic, has been found dead in Vladivostok, the latest in a string of mysterious deaths among Russian executives. https://t.co/4Fa2BVAoGa
— CNN (@CNN) September 14, 2022
Поранешниот извршен директор Игор Носов исто така ненадејно почина во февруари, наводно од мозочен удар. Нафтениот тајкун и претседател на Лукоил, Равил Маганов падна од прозорец на шестиот кат на болница во Москва, објави Би Би Си.
Во јули, Јуриј Воронов, шеф на транспортно-логистичка фирма за компанија поврзана со Газпром, беше пронајден мртов во неговиот базен. Уште два смртни случаја на директори поврзани со Газпром беа пријавени во елитни куќи во близина на Санкт Петербург, што ги зголеми сомнежите дека смртните случаи можеби се убиства.
Г.Т.
