• Latest
Џабир Дерала, ЦИВИЛ Прес центар, 3 мај 2023 (фото: ЦИВИЛ)

Стравот е нивното оружје. Нашиот арсенал е многу поголем и посилен.

March 22, 2024

Замолчувањето на новинарите е чекор кон авторитарно владеење

June 18, 2025

24 ЧАСА: Бурна реакција по судската одлука во случајот Мицкоски-Дерала; Калас предупреди – треба да почнеме да учиме руски ако не ѝ помогнеме на Украина; Трамп размислува за соработка со Израел во нападите врз Иран

June 18, 2025

Ромите – „непостоечки за државата“ и на испит на матура, од МОН и ДИЦ демантираат

June 18, 2025

ЦИВИЛ: Слободата на изразување не е подарок од власта, таа е неприкосновено право на секој човек – пресудата против Дерала е директен атак на медиумските слободи

June 18, 2025
Фото: украинската амбасадорка Лариса Дит/ Х

Амбасадорката Дир: Во Кијив е Ден на жалост за луѓето чии животи вчера ги одзеде бруталниот руски напад, во украинската амбасада во Скопје е отворена Книга на жалост

June 18, 2025
Фото: Креирано со помош на ВИ

Напад со „валкана бомба“: Можен следен потег на Иран против Израел

June 18, 2025

Мерсел Биљали за НОВА: Светот е во своевиден вакуум – ниту е во мир ниту е во војна или истовремено е во обете состојби

June 18, 2025
Фотомонтажа: Д. Мишев / ЦивилМедиа

Каква хипокризија – Мицкоски со 2 рачни часовници вредни 52.000 евра, вели дека поудобна му била гајбата пред кооперација!

June 18, 2025
РЕАКЦИИ: 7 години стабилност: Преспа како влезна точка во НАТО и ЕУ процесите

РЕАКЦИИ: 7 години стабилност: Преспа како влезна точка во НАТО и ЕУ процесите

June 18, 2025
фото: ВИ

ПРАШАЊЕ НА ДЕНОТ: Што мислите за конфликтот помеѓу Израел и Иран?

June 18, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ES-PRESS-O

Стравот е нивното оружје. Нашиот арсенал е многу поголем и посилен.

March 22, 2024 08:44
in ES-PRESS-O, ГОВОР НА ОМРАЗА, МЕДИУМИ, ПОЛИТИКА, СЛОБОДНА ЗОНА, ТОП 5
Џабир Дерала, ЦИВИЛ Прес центар, 3 мај 2023 (фото: ЦИВИЛ)

Џабир Дерала, ЦИВИЛ Прес центар, 3 мај 2023 (фото: ЦИВИЛ)

Share on FacebookShare on Twitter

ЏАБИР ДЕРАЛА

Откако видоа дека директната закана по мојот живот кон крајот на декември минатата година предизвика само краткотрајна врева, центрите за продукција на дезинформации и говор на омраза покренаа нов бран закани во втората половина на март годинава. Да не се стекне погрешен впечаток – валканата кампања за дискредитација и заканите се континуирани и траат веќе со децении. Овде пишувам само за неодамнешните пикови во кампањата, не дека ги нема во меѓувреме.

Јавноста треба да знае дека во валканата кампања со навреди, дискредитација, клевети, омраза и закани не учествуваат само анонимни тролови и трол армии, туку и луѓе со име и презиме, меѓу кои се познати пропагандисти (новинари, интелектуалци и други) и политички лидери или високи партиски функционери. Меѓу нив, се разбира, прикриени, се и припадници на безбедносните структури во земјата, но и од странство. Шарена дружина…

Повеќепати сум кажал дека јас не сум единствената мета на овие кампањи. Нападите и смртните закани врз мене и други поединци во јавниот, граѓанскиот, медиумскиот или политичкиот живот, имаат покомплексна намена освен да заплашат еден човек или група.

Прво и основно, се работи за напад на тоа што го работам и вредностите што ги застапувам, идеите и ставовите за кои пишувам и говорам. Тоа го подразбира и моето пошироко опкружување – организацијата ЦИВИЛ во која сум веќе 25 години, како и редакциите, односно новинарките и новинарите со кои работам, соработниците, експертите и колумнистите со кои соработувам.

Штетата што ја предизвикуваат ентитетите што се занимаваат со криминална контаминација на јавната комуникација и медиумите, не се ограничува само на интелектуалците, медиумите и граѓанското општество.

Нападите се насочени и кон пошироката јавност. Нивна цел е да ги замолкнат луѓето. Да ги заплашат и да им покажат што може да им се случи ако размислуваат со своја глава.

Трол армиите се тука за да го наметнат ставот на своите работодавци како единствено точен. Не како доминантен став, туку единствен. Ни трага од дебата и преиспитување, никој не смее да размислува различно! – тоа е нивната цел.

И за да ја остварат својата цел, радикалните и ултранационалистички, антидемократски и проруски политички и шпионско-субверзивни ентитети (кои се меѓусебно добро поврзани и координирани) се подготвени да одат докрај.

Денеска сакам да споделам неколку препораки до кои дојдов во консултација со литературата (онлајн и на моите полици), како и по разговор со ChatGPT. Значи, прашањето е: Што треба да направите кога се соочувате со говор на омраза и смртни закани? Во соработка со моите колешки и колеги во ЦИВИЛ, деновиве ќе предложиме и подетален документ со препораки што треба да направат оние што се соочуваат со напади и смртни закани.

Пред сѐ, поединците, организациите и редакциите што се соочуваат со дезинформации, говор на омраза и смртни закани треба да знаат дека тие не смеат да се занемаруваат, особено не онака како што тоа го прават институциите во Северна Македонија.

Сфатете ги заканите сериозно! Иако на некој начин е установено непишаното правило „да не им се обрнува внимание“, заканите, дури и ако изгледа дека нема да се спроведат – мора да се сфатат сериозно. Тие имаат поширока цел, а тоа е да ги замолкнат и заплашат луѓето. Исто така, дури и ако постои најмала шанса тие закани да се остварат, тоа значи дека е сериозно нарушена безбедноста на луѓето што се под напад.

ЦИВИЛ со години ги документира и архивира овие напади. Тоа е важна компонента на одбраната од овие напади. Сите податоци за напаѓачите се собираат и се складираат во заштитени дигитални архиви кои се чуваат онлајн, а не во физички простор. Ова е особено важно, затоа што „екипата“ што го изврши нападот на седиштето на ЦИВИЛ, непосредно по 27 април 2017 година, си замина со „празни раце“, поточно само со компјутерска опрема и со мојата гитара. Но тоа се надополни, благодарение на солидарноста и помошта од донаторите. Архивите останаа нечепнати.

Без оглед на тоа колку се неефективни и ги игнорираат овие кампањи, треба да се контактира со институциите и да им се поднесуваат пријави за овие случаи.

Истото се однесува и на социјалните медиуми. Иако повеќето не реагираат соодветно, особено кога се работи за т.н. кодиран јазик со кој се служат пропагандистите и троловите, важно е да се одржуваат „во форма“ разните механизми за заштита од говор на омраза и навредливо однесување на социјалните мрежи.

Важно е да се остане доследен на принципите и вредностите. Гласноста е најголемиот наш сојузник. Притоа, треба да се остане пристоен и конструктивен. На дезинформациите и националистичките наративи треба да се одговори со факти и стории за напредокот и благосостојбата на општеството во кое почитувањето на човековите права и слободи е на прво место.

Не се плашете! Стравот е нивното оружје. Вашиот арсенал е многу поголем и посилен: пристојност, конструктивност, факти, почитување на различностите, почитување на човековите права и слободи.


Текстот е личен став на Авторот.

Прочитајте и: 

(24 ГОДИНИ ЦИВИЛ) Џабир Дерала, претседател на ЦИВИЛ: По цена на својата лична безбедност, Цивилките и Цивилите ги бранат човековите права и слободи секогаш и секаде, без калкулации и без компромиси

Дерала: Нема да ме заплашат смртните закани, и нема да ме замолчат судските процеси од Мицкоски

Смртни закани против ЦИВИЛ, кампањата трае со години, институциите молчат

Директна закана по животот на Џабир Дерала: Биди видлив гнидо, куршумот кај и да е ќе те стигне

Пиштол и кама, со „Отечественная война“ на маичката: Мини портрет на „Александар Антиќ“ кој јавно се заканува со убиство на Џабир Дерала

ПОЛИТИЧКИ НЕПОДОБНИ: Под огнот на милитантната десничарска политика и пропаганда

 

Print Friendly, PDF & Email
Tags: говор на омразапропагандасмртни ззакани
Share33Tweet21Send

НАЈЧИТАНИ 5

  • Фото: Принтскрин од емисијата „Бизнис 21“ на ТВ21

    Славески: Мизерно е да ме прашувате за мојата плата од 3.000 евра, никој не ме прашува за гладувањето во САД додека студирав

    511 shares
    Share 204 Tweet 128
  • Вучиќ не ја потпишал декларацијата од самитот во Украина за да не ја „предаде Русија“, понуди помош за реконструкција што предизвика потсмев во Србија

    226 shares
    Share 90 Tweet 57
  • УНХЦР: Во светот има 122 милиони насилно раселени лица

    111 shares
    Share 44 Tweet 28
  • Предлогот од ЛДП за воведување една изборна единица на 53. седница на Собрание

    98 shares
    Share 39 Tweet 25
  • Кога премиерот те тужи, тоа не е лична пресметка, туку политички притисок!

    94 shares
    Share 38 Tweet 24

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ