До УНЕСКО уредно и навремено е доставен, како заеднички документ со Република Албанија, ажурираниот Извештај за состојбата со заштитата на Природното и културното наследство на Охридскиот Регион и напредокот во спроведувањето на препораките од Одлуката на Комитетот за светско наследство, со Стратегискиот план за рехабилитација на Природното и културното наследство на Охридскиот Регион (2023 –2030). Задоволна сум од соработката на сите засегнати страни во однос на зачувување на статусот што Охридскиот регион го има под УНЕСКО, изјави на денешната прес конференција министерката за култура Бисера Костадиновска-Стојчевска одговарајќи на новинарско прашање на денешната прес-конференција.
-Ова воопшто не е лесен и едноставен процес, но секоја од засегнатите страни, министри, локални самоуправи и агенции кои се дел од овој процес од креирање на оваа легислатива која го регулира статусот на Охридскиот регион како заштитен под УНЕСКО се навистина максимално даваме се од себе за тоа да продолжи со истата динамика, рече таа.
Министерката одговарајќи на новинарско прашање информираше дека неодамнешната посета во Париз била со единствена цел – да се информираат релевантните страни за тоа како се одвива заштитата на Охридскиот регион во однос на зачувување на статусот под УНЕСКО.
-Овие документи се јавно и транспарентно се објавени и на веб страницата на Министерството за култура. Од Центарот за светско наследство на УНЕСКО, Лазаре Елоунду Асомо, добив силна поддршка и валоризирање на нашите напори за зачувување на Охридскиот
Регион на листата на УНЕСКО, рече Костадиновска Стојчевска.
Во Охрид ќе се отвори канцеларија на УНЕСКО со што ги потврдуваме нашите заложби за јакнење, управување и промоција во зачувувањето на статусот на Охридскиот Регион.
-Во годината кога одбележуваме 30 години од нашето членство во УНЕСКО, на средбата беа поздравени напорите меѓу владите и националните комисии на Република Северна Македонија и на Албанија во однос на имплементација на препораките на УНЕСКО кои се однесуваат на Охридскиот Регион, рече министерката.
Таа исто така додаде дека кон крајот на минатата година, имале неколку состаноци заедно со министри, градоначалници и директори на соодветните агенции како и Управата за заштита на културно наследство.
-Работиме на зачувување на Охридскиот регион со оној статус кој го има и со унапредување, бидејќи само така може да го потврдиме статусот доделен од УНЕСКО. Свесни за потребата од понатамошни континуирани напори во согласност со
препораките за справување со идентификуваните ранливости и закани, цврство верувам дека на 45. сесија на Комитетот за светско наследство, што ќе се одржи во септември во Ријад, Саудиска Арабија, ќе се усвои одлука со која Природното и културното наследство на Охридскиот Регион ќе остане на Листата на светско наследство, посочи Костадиновска-Стојчевска.
Соња Танеска
