Проф. Рубин Земон во разговор со ЦИВИЛ Медиа вели дека ние како држава треба да бидеме горди бидејќи сме први во Европа што донесовме стратегија за интеркултурализам како одговор на некои негативни феномени кои ги имавме во минатото, пред десетина години.
„Пред 7-8 години Македонија беше оценувана од меѓународната заедница како поделено општество каде што има немири, нетолеранција, меѓетнички тепачки, убиства итн… Сега ситуацијата е порелаксирана, нема инциденти по автобусите, нема тепачки, и сето тоа е поради стратегијата за едно општество и интеркултурализам“.
Тој додава дека војната во Украина придонесува да имаме повторно поделено општество.
Земон вели дека дискриминација има и дека треба да се подигне свеста да се пријавува дискриминацијата.
„Тоа што расте бројот на преставки до Комисијата за спречување на дискриминацијата не значи дека сега има повеќе дискриминација од порано, туку може да знаачи дека свеста за пријавување е поголема. Но, не знаеме колку судски пресуди има, тоа треба да се направи еден мониторинг колку дискриминатори се казнети“.
Тој истакна дека по осомастувањето многу се зборува кај нас за мултикултурализмот, а многу малку се зборува и се прават политики за интекултурализмот.
„Ние многу малку се познаваме. Еве ако го отворите вториот канал на МТВ ќе видите дека има програма на сите јазици кои се зборуваат во нашата држава, таму се зборува се кажуваат проблемите, но ние не ги разбираме бидејќи нема превод. Кога некој Влаф, Турчин, Ром итн, зборува на својот мајчин јазик тоа е мултикултурализам, меѓутоа кога и ние ќе го разбереме што сакал да каже кога би имал превод, тоа интеркултурализам. Затоа велам дека мултукултурализмот и интеркултурализмот мора да одат паралелно и засега мислам дека успешно го менаџираме, но секогаш може и подобро“
Земон истакна дека Стратегијата за интеркултураклизам и едно општество е скапа работа и треба средства за целосна имплементација.
„Треба да има дијалог и разбирање во институциите во општините, ако нема дијалог во институциите тогаш каде, во кафеана ли?
Ако видите во изминатите 30 години какви проекти се финансирани од Министерството за култура, ќе видите дека ниту еден проект немаше за интеркултурализам, сите се етноцентристички проекти, има проекти за културата на Ромите, Власите, Турците итн, а нема ниту еден проект сите тие заедно да бидат.
Д. Муратов
Камера и монтажа: Ариан Мехмети
Оваа содржина е дел од иницијативите и проектите на ЦИВИЛ за промоција на мултикултурализмот и европските вредности, со поддршка од Министерството за надворешни работи и европски прашања на Големото Војводство Луксембург. Ставовите и мислењата изнесени во овие содржини се на самите Автор(к)и и не нужно ги отсликуваат официјалните ставови на донаторите.
