ЛИНДА БАЛЕТА
Балкан Форум
Одвојте неколку минути да го одговорите на следното прашање: Дали има некоја вест што неодамна сте ја прочитале онлајн или сте ја гледале на телевизија што ја променила вашата емоционална состојба?
Потоа, запрашајте се: Како таа вест ве направила да се чувствувате? Дали ве поттикна да размислувате за преземање на одредена акција?
Доколку го одговорите првото прашање со „да“ и можете да си ги препознаете вашите реакции на следните две прашања, тогаш авторот на таа вест го постигнал резултатот што имал намера да го постигне. Односно, низ внимателно составена порака, да ве натера да размислувате и дејствувате на начин што й служи на агендата на авторот. Без разлика кој, која, кои иле кое е авторот.
Денешното општествено ткиво е под притисок на дезинформации, пропаганда, делумни вистини и фабрикувани факти. Таквиот комплексен информациски неред ја влошува веќе постоечката недоверба, поттикнувајќи тензии. Дигиталните платформи создаваат средина која е погодна за пропагирање на лажни вести и го хранат информацискиот неред. Секој може да креира и шири содржини.
Соочени со ова ниво на информациски неред, соработката помеѓу етичкото новинарство и граѓанскиот ангажман е круцијална за подигнување на нивото на пристап до проверени информации, до одговорна употреба на дигитални алатки и до развивање на критичко и аналитичко размислување.
Етичкото новинарство, образованието и граѓанскиот ангажман придонесуваат за развивање на вештини потребни за филтрирање на лажни вести и пропаганда и за инвестирање во мировен ангажман, создавање на придобивки што ги подобруваат животите на сите.
На работилницата „Отпорно новинарство во борба против дезинформации и пропаганда“ (5-10 декември, 2022 година) во Скопје, новинари и активисти од регионот иницираа мрежа на соработка со партнери од Украина и Германија. Како прв чекор во воспоставување на годишната Недела на отпорно новинарство и општество, ваквата мрежа придонесува кон медиумска писменост на сите нивоа.
За Балкан Форум
Балкан Форум поттикнува споделена визија за регионот врз основа на економска интеграција, просперитет и одржлив мир. Со олеснување на прекуграничниот и меѓусекторскиот дијалог, ние генерираме ново размислување во однос на регионалните предизвици и можности, помагаме во созревање на идеи за катализирање на регионални иницијативи.
