Претседателката на Косово, Вјоса Османи, одржа годишен говор пред припадниците на Косовските безбедносни сили (КБС). Османи во обраќањето имаше поинаков изглед, таа носеше униформа на КБС.
За време на нејзиниот говор во Командата на копнените сили во Истог, Косово, таа рече дека во време кога безбедносната архитектура се предизвикува и напаѓана, зајакнувањето на одбранбените капацитети е задолжително.
Врховниот командант на Косово пред војниците рече дека „заклетвата што војниците ја дале да и служат на татковината е посвета од сè друго“.
„Годината што ја оставаме зад нас беше исполнета со предизвици не само за нас, туку и за светот. Мора да бидеме свесни дека предизвиците ќе се зголемат заедно со напорите за оспорување на светскиот мир и поредок од авторитарни хегемонистички режими. Затоа, повеќе од кога било потребна ни е посветеност кон татковината, будност и посветеност за да бидеме чувари на Републиката“, рече Османи.
Шефот на државата истакна дека „заедно со нашите партнери и како обврска кон жените и мажите кои ги дадоа своите животи за слобода, наскоро ќе го заземеме заслуженото место во Северноатлантската алијанса“.
„Оваа ваша подготвеност да ја заштитите земјата од каква било опасност го прави секој од нас горд. Чест и привилегија е секој пат кога сум меѓу вас. Пред сè, синовите и ќерките на нашата сила се подготвени да го чуваат територијалниот интегритет и суверенитет на нашата држава. Се истакнувате по вашата посветеност кон земјата, по вашето професионално ниво, по дисциплина и посветеност на вашата должност, за честа кон вашата земја. Ова не прави горди како земја“, рече таа.
Назми Абдурахмани
