ДРАГАН МИШЕВ
Откако МВР, секако под притисок на дел од медиумите, прво го обелодени скандалот, а потоа заедно со ОЈО започнаа акција за идентфикација на сторителите на грозоморните (не)дела на онкологија, post festum некрофилите од опозициските партии, синхронизирано, како чопор хиени за грст политички поени со желба да профитираат од маката на луѓето, повикаа на протест, на кои неутралата сесрдно се приклучи, ревносно споделивајќи го преку своите профили на социјалните мрежи, напаѓајки ги со непримерен и жесток говор на омраза, погрдни зборови, пцовки и клетви оние кои пробаа да им ја посочат злоупотребата, иако, „од авион се гледаше“ целта и организаторот.
Секако, правото на протест е загарантирано, но под чиј „диктат“и за чии цели ќе се протестира?
Истовремено, гореспоменатите „неутралците“ нахушкани со лажни вести се „испотепаа“ на нивните лаги да им дадат крила, особено на онаа за поврзаноста на поранешен портпарол на СДСМ со поранешниот директор на онкологија, продуцирана од лево/десничарското гласило Антропол, кое ја избриша веста, објавувајќи и демант, а неутралата остана со… прстот во уста и магарешки уши… но тврдоглаво останува на определбата за „голтање“ на лажните вести и спроведување на дестуктивното опозициско делување.
Очекувам ОЈО, во најбрз можен рок да ги открие, и најстрого да ги казни сторителите на ова монструозно недело, за во иднина ваквите и слични човечки трагедии да не се злоупотребуваат за деструктивна пропаганда и дезинформации за ситни политички поени од страна на опозициските партии.
Текстот е личен став на Авторот. Дозволено е преземање на текстот според лиценцата Creative Commons 4.0.
