Руските пропагандисти лажирале потерница со јазични грешки. Медиумите блиски до Кремљ и Z-Телеграм каналите споделуваат фотографија од маж кого наводно го бара украинската полиција. Според пропагандистите, украинските безбедносни сили трагаат по полски државјанин кој наводно служел во вооружените сили на Украина, избегал од воена единица во регионот Полтава и извршил убиство.
Ова е лажна вест. Таквото лице не е на списокот на барани лица што е достапен на официјалната веб-страница на Националниот полициски оддел во регионот Полтава, каде што се објавени сите податоци за злосторствата во регионот.
Текстот на потерницата „се бара“ содржи фрази типични за рускиот јазик и грешки.
Претходно руските пропагандисти ширеа фалсификати дека Полска создава цел пешадиски корпус за војната во Украина и ги предава тенкови Леопард 2 на Украина заедно со полски посади.
Руските и белоруските медиуми и Telegram Z каналите шират порака за специјалниот „Литванско-полско-украински корпус“ (LITPOLUKRCORPS), кој наводно се формира во Полска за да се приклучи на воените напори во Украина.
Пропагаторите тврдат дека полското Министерство за национална одбрана ги охрабрува полските граѓани да се приклучат во редовите на оваа воена единица и „масовно испраќа СМС“ до војниците.
Д. Мишев
