ЦИВИЛ во соработка со Општина Кочани организира мултимедијален настан „Заедно за подобра иднина“, денес, со почеток во 10 часот, во Спортската сала во Кочани.
Настанот е дел од проектот „Заедно за подобра иднина“, чија цел е промоција на мултикултурализмот и европските вредности во земјата, со посебен фокус на младите. Mултимедијалниот настан за мултикултурализам се одржува и во пресрет на 3 декември, Меѓународниот ден на лицата со попречености, за чии права и достоинствен живот ЦИВИЛ постојано се бори и ја подига свеста на општествено и институционално ниво.
Ученици од четири основни училишта во општината учествуваа на конкурсот со избор од креативни творби, кои ќе бидат дел од изложбата. Со одлука на комисијата за оценување, ќе бидат доделени награди на најуспешните учесници. ЦИВИЛ ќе додели сертификати за учество на сите што беа дел од овие активности.
Проектот „Заедно за подобра иднина“ ЦИВИЛ го спроведува со поддршка од Министерството за надворешни работи и европски прашања на Големото Војводство Луксембург.
Д. Тахири
