Тимот на ЦИВИЛ – Центар за слобода, денеска, постави инфо-штанд на влезот на скопската Стара чаршија на кој граѓанките и граѓаните имаа можност да се запознаат со идејата за граѓанското новинарство, како и да се пријават за учество на претстојниот семинар за граѓански новинари во Скопје, што ќе се одржи на 22 и 23 април во хотелот „Сити Парк“.
Заинтересираните минувачи имаа можност да разговараат со тимот на ЦИВИЛ, да ги искажат своите согледувања, како и да дадат препораки за подобро информирање на населението за општествените состојби.
ЦИВИЛ – Центар за слобода веќе година ипол работи на подигање на свеста кај граѓаните за можноста да учествуваат и да помогнат во објективното и навремено информирање на граѓаните за прашања кои се од огромна важност за сите. Во време кога медиумите во Македонија заземаат страни и нивното информирање се сведува на пропаганда, граѓанското новинарство како во светот, така и во Македонија, зема се поголем замав.
Сите оние кои се заинтересирани за учество на скопскиот семинар може да се пријават на онлајн формуларот.
