ВЕСТ НА ДЕНОТ
Поднесено обвинение за таткото кој повреди малолетни играчи од спортивниот тим на натпреварот во Штип
ОЈО Штип поднесе обвинителен предлог против едно лице за кривично дело „Насилство“, по инцидентот што се случи на 24 август на фудбалскиот стадион „Бело Брдо“ во Штип, за време на натпревар меѓу пионерските екипи на ФК „Брегалница“ од Штип и ФК „Шкупи“ од Скопје…
ИЗЈАВА НА ДЕНОТ
Има една шега во статистиката – ако доволно ги мачите податоците, тие ќе признаат сѐ што сакате. Изгледа ВМРО буквално ја сфатиле, па од петни жили се трудат да покажат дека имаат добри резултати кога се платите и инфлацијата во прашање, вели професорот Бранимир Јовановиќ за ЦИВИЛ Медиа, по обидите на ВМРО ДПМНЕ, со манипулација со бројки да докажува дека народот денес е побогат од времето на СДСМ.
РЕГИОН
Репортери без граници: Насилство врз новинарите во Србија-регистрирани се 34 напади за помалку од два месеци
Насилството врз новинарите во Србија достигна тажен рекорд – 34 напади врз медиумски професионалци се регистрирани за помалку од два месеци додека известуваат за протести против корупција, соопштија „Репортери без граници“…
СВЕТ
Стејт департментот одобри продажба на оружје на Украина во вредност од 825 милиони долари
Американскиот Стејт департмент одобри можна продажба на воена опрема на Украина во вредност од околу 825 милиони долари, а потребната дозвола за оваа одлука е доставена до Конгресот на САД преку Агенцијата за соработка во одбраната и безбедноста –ДСЦА (DSCA). …
ЦИВИЛНИ АКТИВНОСТИ
Во тек е повикот на ЦИВИЛ за краткорочни или долгорочни изборни набљудувачи
Во тек е повикот на ЦИВИЛ за краткорочни или долгорочни изборни набљудувачи. Крајниот рок за пријавување е 15 септември, 17 часот.
Лицата ангажирани во изборната администрација, други мониторинг мисии, функционери и активисти на политички партии и кандидати – немаат право на учество на повикот на ЦИВИЛ.
ЛИНК ДО АПЛИКАЦИЈА ЗА КРАТКОРОЧНИ НАБЉУДУВАЧИ
ЛИНК ДО АПЛИКАЦИЈА ЗА ДОЛГОРОЧНИ НАБЉУДУВАЧИ
АНАЛИЗИ
По масивниот напад со беспилотни летала и ракети на московските сили врз Украина во текот на ноќта на 28 август, насочен кон Кијив, во кој беа погодебии станбени области, при што загинаа најмалку 23 лица, меѓу кои четири деца, а беа повредени 63 други, меѓу кои 11 деца и и беа погодени седиштата на ЕУ и Британскиот совет, пропагандната машинерија на Кремљ се стави во погон во обид да ги оправда руските смртоносни напади врз цивилни цели.
Главен руски „играч“ во овие настојувања е провладината РИА Новости, со своите подружници надвор од Русија, каде меѓу најприемчиви за руските пропагандни наративи се покажаа медиумите на Балканот, вклушително и во Северна Македонија, пишува Драган Мишев, во соработка со Тимот на ЦИВИЛ за мониторинг на хибридните закани (ЦХТМ) во анализата„Мониторинг на ЦИВИЛ: РИА Новости – координатор на руските дезинформации во земјава и регионот“.
СЛОБОДНА ЗОНА
Утрината на 28 август, чадот и смогот повторно го обвија родниот Кијив. Службите информираат дека спасувачките работи се во тек – спасувачите бараат луѓе под урнатините на нивните сопствени домови. Цела ноќ, од 20:24 часот на 27 август – до речиси 9 часот наутро на 28 август, рф извршуваше ракетни и дронови напади врз станбени згради, детски градинки, канцеларии.
А деновиве владата на рф иницираше денонсирање на Европската конвенција за спречување на тортура или нечовечко или понижувачко постапување или казнување, пишува Амб. Лариса Дир, Вонредна и Ополномоштена Амбасадорка на Украина во Република Северна во колумната „Утрото на 28 август“
Подготви: Д. Мишев
