Врховниот суд на САД ѝдозволи на администрацијата на Доналд Трамп во голема мера да ги применува ограничувањата за влез на имигранти на територијата на САД.
Судот ја прифати жалбата на администрацијата на Трамп на одлуката на федералниот Апелациски суд, според која Министерството за правда, ќе овозможеше пред крајот на октомври во САД да влезат околу 24.000 бегалци.
Сепак, оваа одлука сè уште не е конечна, бидејќи на 10 октомври судот ќе ги сослуша и аргументите за законитоста на забраната за влез во САД на граѓани од шестте претежно муслимански земји, како и бегалци од целиот свет.
Сегашната пресуда му дава делумна победа на Трамп, бидејќи Врховниот суд на САД допрва ќе одлучува дали извршната наредба на американскиот претседател за имигрантите е согласна со американскиот устав. Со наредбата издадена на 6 март, беше забрането влегување во САД на граѓани од Иран, Либија, Сомалија, Судан, Сирија и Јемен за 90 дена, а повеќето од барањата за азил во САД беа запрени од можност да ги добијат за 120 дена.
Наредбата стапи на сила на крајот на јуни. Минатата недела Апелациониот суд им дозволи на роднините на американските државјани да влезат во САД тивко и Белата куќа не поднесе жалба на оваа одлука. Трамп сепак жали за толкувањето дека бегалци од целиот свет може да влегуваат во САД, ако имаат официјално овластување од имиграциските власти и Врховниот суд застана на страната на американскиот претседател.
