„Првиот момент кога за време на моите студии имав прилика да го посетам контренциониот логор во Аушвиц-Биркенау нешто што навистина и после толку децении поттикнува морници кога човек ќе го осведочи. И второто нешто е посетата на Украина пролетта 2022 година, неколку месеци после започнувањето на руската агресија врз Украина“, изјави заменик Правобранител, Јован Андоновски, на мултимедијалната конференција „Украина – две години хероизам“, во организација на Амбасадата на Украина во соработка со ЦИВИЛ.
„Бев сведок на она што руската војска заедно со нивните сојузници од Чеченија го сториле како злосторство врз жителите на Кијив, Ерпин, Буча. Слики кои што никогаш нема да ги заборавам затоа што крвавите траги кои беа по улиците сведочеа за злосторствата кои што беа неодамна сторени таму. Разурнати домови, уништени судбини, масовни гробници, убиени луѓе, исчезнати луѓе, злосторства кои верувам дека нема да останат неказнети“, додаде тој.
„За време на втората посета ме радува фактот што Украинците и после толку поминато време не го изгубиле ентузијазмот и еланот да се борат со окупаторот и да ја зачуваат независноста и суевереноста на својата татковина“, заклучи Андоновски.
Андоновски во своето обраќање упати апел одлуката на Владата на Северна Македонија донесена пред повеќе од половина година, со која им се дава посебен статус на заштита на украинските бегалци, надлежните министерства да ја испочитуваат и да ја имплементираат.
Б. Ј.
камера: Атанас Петровски
монтажа: Ариан Мехмети
фотографија: Б. Јордановска
