ВЕСТ НА ДЕНОТ
ДКСК за случајот Мерко: Наодите беа најдени пред четири години, надлежните требаше да постапат
Не требаат 8 000 километри за некој да дојде до наодите. Тие се најдени уште пред четири години. Не требало да се чека однадвор некој да ни кажува дека постојат наоди. Напротив, надлежните требале да постапат по нашите наоди, по наодите на Државниот завод за ревизија, зашто само на тој начин можеме да го зајакнуваме контролниот систем, системот на интегритет на институциите и довербата на граѓаните.
ИЗЈАВА НА ДЕНОТ
Со жалење можам да потврдам дека социјалните мрежи во последните неколку месеци се местото на организирање на првите антиродови движења кај нас, кои се полни со говор на омраза, омаловажување, стигматизирање, а тоа е она што особено загрижува. Новиот Закон за родова еднаквост, на кој повеќе од посветено работи Секторот за еднакви можности во Министерството за труд и социјална политика, е цел на овие движења, кои воопшто не се во насока на проевропските аспирации кои ги негуваме како држава и како Влада. Закон кој треба да промовира еднаквост, можности за сите, создава жигосување и нетолеранција, изјави Министерката за труд и социјална политика Јованка Тренчевска на меѓународната конференција „Човековите права во рамките на заштитата од дискриминација“, во Црна Гора.
ФЛЕШ ВЕСТИ
УЈП Соочена со закани од генерален штрајк кој реално може да предизвика колапс на економското работење, директорката на УЈП Соња Лукаревска изразува верба дека сепак ќе се најде заедничко прифатливо решение.
УСТАВНИ ИЗМЕНИ Уставните измени се подготвени од страна на работната група. Тие ќе се најдат на една од наредните седници на Владата, откако ќе бидат подготвени сите пропратни документи за да бидат испратени до Собранието.
ТЕЛЕФОНСКИ РАЗГОВОР Премиерот Димитар Ковачевски претпладнево имаше телефонски разговор со новиот премиер на Република Бугарија, Николај Денков, кому му го честиташе мандатот посакувајќи му успешна работа на новоизбраната Влада што ја предводи.
БРЕГЗИТ Седум години по референдумот за Брегзит, повеќе од 50 отсто од Британците сметаат дека земјата направила грешка, покажува најновото истражување на јавното мислење
ИЗБОРИ ГРЦИЈА Меѓу 19 и 21 отсто се движи разликата меѓу Нова демократија и СИРЗА според двете нови истражувања на јавното мислење во Грција за телевизиите Алфа и Скај во пресрет на изборите в недела, јави дописничката на МИА од Атина.
БУГАРИЈА Владата не се распаѓа, но треба јасно да се определи нејзиниот карактер, дали е реформаторска или влада-параван, изјави пратеникот од партијата Продолжуваме со промените – Демократска Бугарија (ПП-ДП), Христо Иванов.
ВОЈНА ПРОТИВ УКРАИНА
Руските затвореници кои Путин го ослободи од издржување затворски казни за тешки кривични дела, силувања и убиства, за да се борат за озлогласената парамилитантна група Вагнер во Украина, при враќањето од фронтот дивеат по улиците на руските градови..
*
Евгениј Пригожин, шефот на озлогласената платеничка група Вагнер го обвини рускиот врв дека го лаже Владимир Путин за размерите на руските загуби и неуспеси во Украина.
*
Минирањето на АЕЦ Запорижја и другите форми на милитаризација од страна на Русија претставуваат непосредна закана од нуклеарен инцидент во најголемата нуклеарна централа во Европа. Според информациите на украинските разузнавачки агенции, Русија разгледува сценарио за извршување на терористички акт на привремено окупираната АЕЦ Запорижја, соопштуваат од МНР на Украина во врска со загрозувачката ситуација во АЕЦ Запорижја.
АЛ-ПРЕС
Високиот претставник на ЕУ, Жозеп Борел изјави дека на средбите што ги имал во четвртокот со премиерот на Косово, Албин Курти и со претседателот на Србија, Александар Вучиќ, било договорено да има предвремени избори во четирите северни општини во Косово, а во северна Митровица синоќа повторно имаше експлозии, јавуваат косовските медиуми.
Во продолжение се темите од изборот на редакцијата на ЦИВИЛ Медиа од албанските медиуми во регионот, за денешното издание на АЛ – ПРЕС.
МУЛТИКУЛТУРА
Дерала: Mораме многу да работиме на тоа како се разбира поимот мултикултурализам
Димитриевски: Мултикултурализмот подразбира не само разбирање помеѓу политичарите, туку првенствено, секојдневно функционирање на сите граѓани коишто живеат во една општина и една држава
ИНТЕРВЈУ
Амбасадорот на Големото Војводство Луксембург во Скопје, Белград, Тирана, Подгорица и Сараево, Филип Донкел во разговор за ЦИВИЛ Медиа вели дека сега е навистина моментот за Северна Македонија да продожи да ја споделува својата сила и моќ да оди напред кон Европската унија.
АНАЛИЗИ
Албанската државна полиција пред два дена изврши опсежна контрола во кампот на Муџахедините – МЕК , во Манза, Драч, по решение донесено од Судот во Тирана, известуваат албанските медиуми. Полицијата соопшти дека контролата се извршила по барање на СПАК и наредба на ЃККО, но не ја соопштија причината за контролите, нагласувајќи дека се ќе биде откриено во наредното соопштение, бидејќи станува збор за важна одлука, која се случува неколку недели пред годишниот Самит на Муџахедините на МЕК во Тирана, кои дојдоа во Албанија на барање на Стејт Департментот, пишува Дијана Тахири во анализата „Полицискиот упад во муџахединскиот камп во Драч, причини и конторверзии“
Д. Мишев
