ВЕСТ НА ДЕНОТ
Собранието го поддржа донесувањето на законот за данокот на солидарност по скратена постапка
Со 62 гласа „за“, еден воздржан и ниту еден против, Собранието денеска, во рамки на 120. седница, го поддржа донесувањето на законот за данок на солидарност по скратена постапка.
ИЗЈАВА НА ДЕНОТ
Двајца пратеници од ДУИ ја напуштија пратеничката група на оваа партија во Собранието, потврди денеска координаторот на пратеничката група на ДУИ, Арбр Адеми. Жалиме што преку медиуми сме информирани дека наши двајца пратеници го избрале овој пат. Тие добро биле третирани од ДУИ, носеле високи позиции и институционална одговорност и имале доверба во ДУИ за да бидат на таа институционална одговорност, така што за причините за нивното самоотстранување од ДУИ треба нив да ги прашате. Но, во мнозинството не се менува ништо, бидејќи без овие пратеници оваа Влада беше изгласана и оваа владина програма беше изгласана. Така што на истите тие бројки што сме биле пред и во моментот на формирањето на оваа Влада, на истите тие бројки сме и сега. Само изразуваме жалење за сето ова што се случува, а за причините треба да се прашаат нашите колеги, изјави Адеми.
ВОЈНА ВО УКРАИНА
Според потврдени податоци на ОН, од почетокот на целосната руска инвазија на Украина, загинале околу 9.300 цивили, а повеќе од 16.300 се повредени, во моментов низ светот има повеќе од 6,3 милиони Украинци бегалци , а се проценува дека 5,1 милион се внатрешно раселени, додека поради континуираниот недостаток на хуманитарен пристап до областите под контрола на Русија, околу 3,7 милиони луѓе се лишени од многу потребната помош.
ФЛЕШ ВЕСТИ
АНТИКОРУПЦИЈА САД, како еден од најважните стратешки партнери на Северна Македонија, ја поддржува интеграцијата на државата во ЕУ и двете земји во наредните пет години ќе работат на заеднички проект чија цел е зачувување на финансиските интереси и стабилност на финансискиот систем преку поголема ефикасност на институционалните капацитети во наплатата на приходи, подобрување на услугите и сузбивање на корупцијата, соопшти денеска Царинската управа.
СКРИНИНГ МЗШВ го почна објаснувачкиот скрининг за кластерот 5 – „Ресурси, земјоделство и кохезија“ во Брисел. Како што соопшти, според скрининг агендата, македонската делегација ќе го следи објаснувачкиот скрининг до 20 јули.
ЧОВЕКОВИ ПРАВА Членовите на Интерпартиската парламентарна група за поддршка на Ромите (ИППГ) денеска одржаа работна средба во Собранието.
КЛИМАТСКИ ПРОМЕНИ Светот мора да се подготви за поинтензивни топлотни бранови, предупредија денеска Обединетите нации, бидејќи северната хемисфера се приближува до максималните температури.
АЛТЕРНАТИВА Претставници на Алтернатива од сите ограноци и членови на Централен одбор одржаа прес-конференција во Тетово за да изразат незадоволство и забелешки, за како што рекоа, неуспехот на раководството во исполнувањето на партиските задачи од последниот одржан конгрес.
ВАЈМАРСКА ГРУПА Претседателот на Собранието Талат Џафери денеска се сретнаа со Ана Лирман, министерка за Европа на Сојузна Република Германија, Лоренс Бун, државна секретарка задолжена за Европа при Советот на министри на Француската Република и Шимон Шинковски вел Сенк, министер за европски прашања на Република Полска.
ДЕЗИНФОРМАЦИИ
Во пресрет и за време на Самитот, руската пропаганда го нападна информативниот простор со фалсификати и манипулации за да ја поткопа довербата меѓу партнерите, дистрибуирајќи дезинформација дека најпопуларните британски изданија го игнорираа Самитот на НАТО и учеството на украинскиот претседател Володимир Зеленски на него.
АЛ-ПРЕС
Вчерашната средба помеѓу специјалниот пратеник на ЕУ за дијалогот Србија – Косово, Мирослав Лајчак и косовскиот премиер Албин Курти на вчерашната средба во Грција имале конструктивна средба на која разговарале за напредокот на деескалацијата на северот на Косово и спроведувањето на Дијалогот. Во Албанија,споре д археолошките истражувања на швајцарскиот универзитет во Берн, палафитната населба Лини во Поградец е најстарата во Европа, и е стара над 8.500 години.
Овие теми се дел од изборот на редакцијата на ЦИВИЛ Медиа од албанските медиуми во регионот, за денешното издание на АЛ-ПРЕС.
ИНТЕРВЈУ
Со Стојановиќ разговаравме за состојбите во затворскиот систем, во периодот додека не бил на таа функција, за безбедноста на затворите, тековната состојба на проекти кои во негово отсуство се делумно или не се завршени. Стојановиќ во интервјуто за ЦИВИЛ Медиа даде осврт и на значењето на пробицијата, како иднина на затворскиот систем.
Претседателот на Алијанса за Албанците, Арбен Тараври, во интервјутo за ЦИВИЛ Медиа, истакна дека за уставните измени ќе се најде решение до почетокот на септември.
View this post on Instagram
АНАЛИЗИ
Реџеп Таип Ердоган направи голем чекор оваа недела за да ги загрее односите со Западот, во брз политички пресврт што доаѓа во време кога турскиот претседател бара решенија за долгата и влошена економска криза во земјата. Само неколку часа пред да пристигне на Самитот на НАТО во Вилнус, тој го нападна Стокхолм затоа што не направил доволно за да го спречи тероризмот… а таму следеше свртување од 360 степени, пишува Драган Мишев во анализата „Економската криза во Турција го поттикна Ердоган да се сврти кон Запад“.
*
Претставници на турската, босанската и ромската заедница за Фронтлајн велат дека единствениот пат за просперитет на Северна Македонија е тој кон Европската Унија. Велат дека што поскоро треба да се гласаат неопходните уставни измени, за воведување на бугарската заедница и на некои други заедници во Преамбулата на Уставот, пишува Дестан Јонузи во анализата „Турците, Бошњаците и Ромите се за интеграција: Пратениците на етничките заедници да го напуштат бавниот воз на Мицкоски“.
*
„Вратите на НАТО се отворени за Украина“ – овие зборови постојано ги кажуваа генералниот секретар на НАТО Јенс Столтенберг и лидерите на земјите кои се членки на најмоќната одбранбена и политичка организација во светот. Сепак, Украина ќе може да се приближи до овие врати дури откако ќе заврши војната со Русија. Руската Федерација беше невидливо присутна во главниот град на Литванија, иако сите претставници на НАТО негираа и продолжуваат да го негираат нејзиното влијание врз одлучувањето. Сепак, премиерите и претседателите на земјите-членки на НАТО не можеа да го игнорираат фактот на најголемата руско-украинска војна во светот во дваесет и првиот век, инаку ќе станеа мета на разорни критики на нивните противници, се вели во анализата „НАТО Самит со продолженија“ на Јевхен Махда од Институтот за светска политика
СЛОБОДНА ЗОНА
Но треба да се има предвид дека да победеше Никола Груевски на изборите 2016 и да формираше Влада, рудникот Иловица досега ќе почнеше да работи. Секако, соодветно на тогаш воспоставената пракса, ќе имаше лопати и сечења на ленти, говори и самофалби, но протести, сигурно немаше да има. Напротив, ќе имаше многу насобран народ кој ќе аплаудираше и ќе даваше изјави во стилот „благодарни сме на Владата и премиерот што ни овозможи работни места и високи плати…“, пишува Љубиша Николовски во колумната „Да беше Груевски на власт, рудникот Иловица веќе ќе работеше“
Д. Мишев
