Во најновиот прилог на ЦИВИЛ Медиа во рубриката ДИРЕКТНО, Џабир Дерала говори за недостатоците на законската регулатива со која дел од граѓанките и граѓаните се оневозможени да го искористат своето право на глас.
Дерала, ЦИВИЛ: Многу е важно да се запомни и еднаш да се испочитува принципот дека државата е таа која има обврска кон гласачите да ги исполни и испочитува нивните права и да овозможи максимални услови за почитување и практикување на правото на глас. Тоа е фундаментално право што државата е должна да го регулира меѓутоа и да ги овозможи примените и законите кои се во врска со таа материја.
Ние во изминатиот период забележуваме многу фалинки во изборниот законик пред сè во однос на тоа дали и колку граѓанките и граѓаните можат да гласаат во одредени околности. веќе зборувавме за тоа дека едноставно оние кои ќе се најдат на 30 септември надвор од државата нема да може да си го искористат правото на глас заради тоа што немаат регулирано престој во таа држава. во соседните земји тоа е регулирано со една до две линии во законите и на луѓето им се овозможува правото на глас да го практикуваат со само еден телефонски разговор и со само еден допис до конзуларните преставништа на таа држава. Тоа не се направи.
Сега имаме ситуација луѓето што се болни, односно тие што не знаат дека ќе се разболат на денот на гласање, нема да може да ко искористат своето право ако седум дена пред тоа не ја најават својата потреба да гласаат дома. Значи, ако се разболиш пет дена пред референдумот не ќе може да гласате од дома туку ќе мора да се снаоѓате да одите до гласачкото место за да го направите тоа.
Апелираме до државните институции, до ДИК, до Собранието да спроведат некои итни мерки кои се во рамки на законот и да обезбедат гласање на сите граѓан(к)и со право на глас. Што е можно побрзо и поефикасно да им овозможат такво нешто бидејќи според уставот имаат обврска да им овозможат услови за гласање на сите граѓанки и граѓани со право на глас.
Не е прифатливо да имаме граѓан(и) кои заради недостатоците во изборниот законик, заради третманот на гласачите како бројки а не како луѓе да имаме ситуации каде што луѓето не ќе можат да гласаат. Ова е проблем кој мора да се регулира на институционално ниво за да се испочитува основното човеково право, правото на глас.
Обработка на текст и камера: Дехран Муратов
Монтажа: Ариан Мехмети
Фотографија: Кирил Михаилов
Содржината е дел од граѓанската иницијатива „Зачекори напред!“, финансирана од Фондацијата Отворено општество – Македонија. Содржината е единствена одговорност на авторите и на ниту еден начин не може да се смета дека ги изразува гледиштата и ставовите на граѓанската иницијатива „Зачекори напред!“.
